<p><strong>Brahmamudi Serial Today Episode:</strong> <strong>సిరిని సేవ్ చేస్తారు రాజు, ఇందు కానీ ఇంట్లో రేఖ పోలీసులను పిలిపించి అసలు సిరి ఎవరో ఎంక్వైరీ చేయాలని చెప్తుంది. దీంతో అపర్ణ, సుభాష్‌ భయపడుతుంటారు. అప్పుడే సిరిని తీసుకుని ఇంటికి వెళ్తారు రాజు, ఇందు. ఇంకా ఇవాళ్టీ బ్రహ్మముడి సీరియల్‌ ఏపిసోడ్‌లో ఏం జరిగిందో ఇప్పుడు తెలుసుకుందాం. </strong></p>
<p><strong>సిరిని సేవ్ చేసిన రాజు, ఇందు </strong></p>
<p>సిరిని వెతుక్కుంటూ రాజు, ఇందు వెళ్తారు. ఒక దగ్గర సిరి ఇందుకు కనబడుతుంది. ఇందును చూసిన సిరి ఏడుస్తూ.. అక్కా అంటూ హగ్‌ చేసుకుంటుంది. సిరిని తీసుకుని వస్తున్న ఇందును రౌడీలు చుట్టుముడతారు. దీంతో ఇందు అయోమయంగా చూస్తుంటే.. రౌడీలు వచ్చి ఒరేయ్‌ వన్ ప్లస్‌ వన్‌ ఆఫర్‌ వచ్చింది అనుకుని నవ్వుకుంటారు. అప్పుడే రాజు వచ్చి రౌడీలను కొట్టి ఇందు, సిరిలను సేవ్‌ చేస్తాడు. అందరూ కలిసి అక్కడి నుంచి ఇంటికి బయలుదేరుతారు.</p>
<p><strong>ఇంటికి పోలీసులను పిలిపించిన రేఖ</strong></p>
<p><a title=" <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"> <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p>దుగ్గిరాల ఇంట్లోకి పోలీసులు వస్తారు. ఎందుకొచ్చారని సుభాష్‌ పోలీసులను అడిగితే.. తానే పిలిపించానని రేఖ చెప్తుంది. ఎందుకు పిలిపించావని అపర్ణ అడిగితే సిరి కనిపించకపోవడానికి నేనే కారణం అన్నారు కదా అదే తేలుద్దామని నేనే పోలీసులను పిలిపించాను అంటూ రేఖ చెప్తుంది. ఇప్పుడే ఏం చేద్దాం అండి అంటూ అపర్ణ, సుభాష్‌ను అడిగితే మనం ఏమీ అనకుండా సైలెంట్‌ గా ఉందాం ఏం జరుగుతుందో చూద్దాం అంటాడు సుభాష్‌. పోలీసులకు సిరి గురించి రాజు గురించి చెప్తుంది రేఖ. పోలీసులు రాజు ఎక్కడికి వెళ్లారు అని అపర్ణను అడుగుతారు. బయటకు వెళ్లాడని అపర్ణ చెప్తుంది. మరి అమ్మాయి ఎక్కడకు వెళ్లిందని అసలు సిరి ఎవరని పోలీసులు ప్రశ్నిస్తారు. అపర్ణ మౌనంగా ఉంటుంది. పోలీసులు ప్రశ్నల మీద ప్రశ్నలు వేస్తుంటారు.. అపర్ణ భయంగా మౌనంగా ఉండిపోతుంది. రాజు ఎవరని అడిగితే.. తన మనవడని తన మనవరాలి భర్త అని సుభాష్‌ చెప్తాడు. మరి మీ మనవరాలికి భర్త ఎలా అయ్యాడు.. ఒకవేళ మీ మనవడే సిరిని ఏమైనా చేసి ఉండొచ్చు కదా..? మీ మనవడిని అరెస్ట్‌ చేసి ఇంటరాగేషన్‌ చేయాల్సి వస్తుంది అంటూ బెదిరిస్తాడు.</p>
<p><strong>సిరిని తీసుకుని ఇంటికి వచ్చిన రాజు, ఇందు </strong></p>
<p>అప్పుడే సిరిని తీసుకుని ఇందు, రాజు వస్తారు. వాళ్లను చూసిన శేషు అల్లుడు అంటే అల్లుడే సాధించాడు అని మనసులో అనుకుంటాడు. దీన్ని వీళ్లు ఎలా పట్టుకున్నారు అని రేఖ అనుకుంటుంది. ఈ ప్లాన్‌ కూడా గోవిందా అని భ్రమరాంబ అనుకుంటుంది. రాజు, ఎస్సైతో మాట్లాడి రేఖ ఏదో మనసులో పెట్టుకుని ఇలా చేసింది వెళ్లిపోమ్మని చెప్తాడు. ఎస్సై కోపంగా రేఖకు వార్నింగ్‌ ఇచ్చి వెళ్లిపోతాడు.</p>
<p><strong>అపర్ణకు నిజం చెప్పిన ఇందు</strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p>తర్వాత అపర్ణ కోపంగా ఇందును తిడుతూ అసలు సిరి ఎవరు..? ఒకవేళ సిరి దొరక్కపోయి ఉంటే పరిస్థితి ఎలా ఉండేది.. ఇంత జరిగినా కూడా నువ్వు నాకు నిజం చెప్పడం లేదంటే ఏమనుకోవాలి అంటూ ఇందు చేయి తీసి తన తల మీద పెట్టుకుని రాజుకు సిరికి ఉన్న సంబంధం ఏంటి..? నిజం చెప్తావా..? లేదంటే అనగానే.. నాన్నమ్మ ఆగు అంటూ చెప్తాను నాన్నమ్మ సిరిని బావ పెళ్లి చేసుకోలేదు. అసలు తనకు బావకు ఏ సంబంధం లేదు. ఒకరోజు అనుకోకుండా బావ సిరి వాళ్ల బండిని యాక్సిడెంట్‌ చేశాడు. అలా ఆరోజు సిరి ప్రాణాలు కాపాడాలి అన్న ఉద్దేశంతో తన భర్తగా బావ సంతకం చేశాడు. సిరి వాళ్ల నాన్న ఆ యాక్సిడెంట్‌లో చనిపోయాడు. బావ వల్లే చనిపోయాడని బావ చాలా బాధపడుతున్నాడు అంటూ జరిగింది మొత్తం ఇందు చెప్తుంది.</p>
<p> దీంతో ఈ విషయం నా దగ్గర ఎందుకు దాచారు అంటూ అడగ్గానే.. బావ అందరికీ చెప్పుదాం అన్నాడు కానీ నేనే వద్దన్నాను అంటూ ఇందు చెప్తుంది. ఈ విషయం ఎవ్వరికీ చెప్పొద్దని తనుక మాటివ్వమని అపర్ణను అడుగుతుంది. అపర్ణ ఎమోషనల్‌ అవుతూ రూంలో సిరిని ఓదారుస్తున్న రాజు దగ్గరకు వెళ్లి సారీ చెప్తుంది. నీ గురించి తెలిసి కూడా నిన్ను అపార్థం చేసుకున్నాను అంటుంది. ఒక అమ్మాయి జీవితం కోసం నువ్వు ఇంతలా కష్టపడుతున్నావా..? అంటూ బాధపడుతుంది. నీది చాలా గొప్ప మనసు రాజు అంటుంది. ఇంతలో ఇవాళ్టీ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p> </p>
4 weeks ago
2 
