<p><strong>Brahmamudi Serial Today Episode:</strong> రూంలో పడుకుని ఉన్న రాజ్‌కు యామిని వాయిస్‌ మెసేజ్‌ చేస్తుంది. రాజ్‌ మెసేజ్‌ విని షాక్‌ అవుతాడు. యామిని గొంతులా ఉందే అని అనుమానిస్తాడు. ఇంతలో మరో మెసేజ్‌ వస్తుంది. అందులో నీకో సర్‌ప్రైజ్‌ అని మీ ఇంట్లో హాల్లో ఉంది వెళ్లి చూడు అని చెప్తుంది. రాజ్‌ కంగారు హాల్లోకి వెళ్లి చూడగా అక్కడ ఫోటోలు ఉంటాయి. రాజ్‌ ఫోటోలన్నీ ఏరుతుంటాడు. ఇంతలో రూంలోంచి సుభాష్‌ వస్తాడు. సుభాష్‌ వచ్చే సరికి అంతా క్లీన్‌ చేసి సోఫా కింద పెట్టి కూర్చుంటాడు. ఇంతలో ఒక్కోక్కరుగా వస్తుంటారు.</p>
<p><strong>సుభాష్:</strong> ఓరేయ్‌ కొంచెం అటు జరగరా..?</p>
<p><strong>రాజ్:</strong> మీరే ఇటొచ్చి కూర్చోండి డాడీ..?</p>
<p><strong>సుభాష్‌:</strong> అటు జరగరా అంటే నన్ను అటు రమ్మంటావేంట్రా..?</p>
<p><strong>కావ్య:</strong> ఏవండి ముందే లేచి వచ్చారేంటి..?</p>
<p><strong>రాజ్:</strong> మెలుకువ వచ్చింది అందుకే వచ్చాను</p>
<p><strong>కావ్య:</strong> రాత్రి సరిగ్గా నిద్రపోయినట్టు లేదు.. కాసేపు పడుకోలేకపోయారా..?</p>
<p><strong>రాజ్‌:</strong> మళ్లీ నిద్ర వస్తే పడుకుంటాలే</p>
<p><strong>సుభాష్‌:</strong> కాస్త అటు జరగరా..?</p>
<p><strong>రాజ్‌:</strong> నేను జరగలేను డాడీ పక్కన కూర్చోండి</p>
<p><strong>రుద్రాణి:</strong> ఏమైంది రాజ్‌</p>
<p><strong>రాజ్:</strong> బ్యాక్‌ పెయిన్‌ అత్తా.. ప్రతిదీ నీకు చెప్పాలి.. ప్రతి దాంట్లో తల దూరుస్తావు.</p>
<p>అని రాజ్‌ చెప్తుండగానే ఇందిరాదేవి కావ్యను కాఫీ తీసుకురమ్మని చెప్తుంది. సుభాష్‌కు అటువైపు కూర్చో వాడికి పెయిన్‌ గా ఉందట అని చెప్పగానే సుభాష్‌ పక్కకు వెళ్లిపోతాడు. కిచెన్‌ లో కూడా ఫోటోలు ఉన్నాయని యామిని మెసేజ్‌ చేస్తుంది. రాజ్‌ కంగారుగా గట్టిగా కళావతి అని పిలుస్తాడు. ఆ సౌండ్‌ కు అందరూ ఉలిక్కిపడతారు. కావ్య పరుగున రాజ్‌ దగ్గరకు వస్తుంది.</p>
<p><strong>కావ్య:</strong> ఏవండి ఏమైంది నొప్పి ఎక్కువ అవుతుందా..?</p>
<p><strong>రాజ్:</strong> నా ఫోన్‌ పైన మర్చిపోయాను.. కాస్త తీసుకొస్తావా..?</p>
<p>అని చెప్పగానే.. కావ్య ఫోన్‌ కోసం పైకి వెళ్తుంది. రాజ్‌ కిచెన్‌ లోకి వెళ్లి ఫోటోలు తీసుకుని హాల్లోకి వస్తుంటే మళ్లీ మెసేజ్‌ వస్తుంది. మెసేజ్‌ చదువుతే రాజ్‌ రావడం చూసిన కావ్య మీ ఫోన్‌ మీ దగ్గరే పెట్టుకుని నన్ను పైకి పంపిస్తారా..? అని అడుగుతుంది. మర్చిపోయానని రాజ్‌ చెప్తాడు. తర్వాత రాజ్‌ హాస్పిటల్‌కు ఫోన్‌ చేస్తాడు.</p>
<p><strong>రాజ్:</strong> మీ హాస్పిటల్ లో డ్రగ్‌ అడిక్ట్‌ అయిన పేషెంట్‌ యామిని ఉన్నారా..?</p>
<p><strong>ఫోన్‌లో వ్యక్తి:</strong> లేరు సార్‌ రెండు రోజుల క్రితమే డిష్చార్జ్‌ అయి వెళ్లిపోయారు. మీరు స్వరాజ్‌ గ్రూప్‌ ఆఫ్‌ ఇండస్త్ర్టీస్‌ ఎండీ రాజ్‌ కదూ..?</p>
<p><strong>రాజ్‌:</strong> అవును మీకెలా తెలుసు..?</p>
<p><strong>ఫోన్‌లో వ్యక్తి:</strong> యామిని గారే చెప్పారు సార్‌. మీరు ఫోన్‌ చేస్తారని.. మీకు తన అడ్రస్‌ ఇవ్వమని చెప్పారు. ఈ నెంబర్‌కు అడ్రస్‌ మెసేజ్‌ చేస్తాను సార్‌.</p>
<p>అని ఫోన్‌ కట్‌ చేసి అడ్రస్‌ సెండ్‌ చేస్తాడు. అడ్రస్‌ చూసిన రాజ్‌ కారులో వెళ్తూ.. యామినితో తనకున్న పరిచయాన్ని, ప్రేమను గుర్తు చేసుకుంటాడు. తన లవ్‌ చేసిన తర్వాత యామిని ఎలా శాడిస్ట్‌గా మారిపోయింది. ఎలా డ్రగ్స్‌ కు అలవాటు అయింది మొత్తం రాజ్‌ గుర్తు చేసుకుంటూ వెళ్తుంటాడు. తర్వాత తన ఫ్రెండ్‌ మీద యామిని యాసిడ్‌ దాడి చేయడం రాజ్‌ తిట్టి యామినిని దూరం పెట్టడం మళ్లీ యామిని రాజ్‌ కోసం హాస్టల్‌కు వెళ్లి సూసైడ్‌ అటెంఫ్ట్‌ చేసుకోవడం అన్ని విషయాలు గుర్తు చేసుకుంటూ వెళ్తుంటాడు. ఇంతలో ఇవాళ్టీ ఏపిసోడ్‌ అయిపోతుంది.</p>
<p> </p>
<p><strong>ALSO READ: <a title="మీరు కోటీశ్వరులు అయ్యే ముందు ఇలాంటి కలలే వస్తాయట!" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_blank" rel="noopener">మీరు కోటీశ్వరులు అయ్యే ముందు ఇలాంటి కలలే వస్తాయట!</a></strong></p>
<p> </p>
9 months ago
7 
