<p><strong>Brahmamudi Serial Today Episode:</strong> మదన్‌, లక్కీలకు గొడవ జరుగుతుంది. మరోవైపు ఐషు, శశికి పడిపోతుంది. ఇంకోవైపు రేఖతో చాలా జాగ్రత్తగా ఉండాలని రాజుకు ఇందు చెప్తుంది. ఇలాంటి ట్విస్టులతో బ్రహ్మముడి సీరియల్‌ ఇవాళ్టీ ఏపిసోడ్‌ చాలా ఆసక్తికరంగా జరిగింది.</p>
<p><strong>వెంకీకి ప్రపోజ్‌ చేయాలనుకున్న నందు</strong></p>
<p><a title=" <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"> <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p>డిప్రెషన్‌తో రూంలోనే కూర్చుని నందు ఫోటో చూస్తూ.. బాధపడుతుంటాడు వెంకట్‌. నందు లేకపోతే ఎలా బతకాలి.. అసలు బతికే పరిస్థితి ఉంటుందా..? అని బాధపడుతుంటాడు. చలపతికి ఇచ్చిన మాట గుర్తు చేసుకుని నందు చెప్పిన విషయం గుర్తు చేసుకుని మరీ ఏడుస్తుంటాడు. అప్పుడే నందు ఫోన్‌ చేస్తుంది. ఏదో అర్జెంట్‌ పనుందని వెళ్లావు మళ్లీ ఫోన్‌ లేదు ఎక్కడున్నావు అని అడుగుతుంది. ఇంట్లోనే ఉన్నానని వెంకట్‌ చెబితే అయితే బయటకు వెళ్లాలి రెడీగా ఉండు నేను వస్తున్నాను అని చెప్తుంది నందు. తనకు వేరే పని ఉందని తాను రాలేనని వెంకట్‌ చెప్పగానే.. అదేంటి నేను దుగ్గిరాల ఇంటి వారసురాలిని అని చెప్పినప్పటి నుంచి నీలో ఏదో చేంజ్‌ కనిపిస్తుందేంటీ అని నందు అడిగితే ఏం లేదు అంటూ కాల్‌ కట్‌ చేస్తాడు వెంకట్‌. నందు మాత్రం తాను ప్రపోజ్‌ చేస్తే ఎలా రియాక్ట్ అవుతానోనని భయంతో బాధపడుతున్నాడేమో అనుకుని ఇక నేను ప్రోసీడ్‌ కావాలి అని మనసులో అనుకుంటుంది.</p>
<p><strong>లక్కీ, మదన్‌ మధ్య గొడవ </strong></p>
<p>హాల్లో టీవీలో సీరియల్‌ చూస్తూ ఉంటాడు లక్కీ. అప్పుడే మదన్‌ వచ్చి ఏం చూస్తున్నావు అని అడిగితే సీరియల్‌ చూస్తున్నానని చెప్తాడు లక్కీ. ఈ రోజుల్లో ఎవరైనా సీరియల్‌ చూస్తారా..? రిమోట్‌ ఇటివ్వు అంటూ రిమోట్‌ లాక్కుని చానెల్‌ మారుస్తాడు. చానెల్‌ మార్చి తాను మాత్రం ఫోన్‌ చూస్తుంటాడు. లక్కీ అది గమనించి బ్రదర్‌ ఫోన్‌ చూస్తున్నాడు టీవీ చూడటం లేదు కదా..? అనుకుని రిమోట్‌ తీసుకుని మళ్లీ సీరియల్‌ పెడతాడు. అది గమనించిన మదన్‌ కోపంగా లక్కీని తిడతాడు. ఇద్దరి మధ్య గొడవ జరుగుతుంది. మదన్‌ కోపంగా లక్కీ కాలర్‌ పట్టుకుంటాడు. లక్కీ కోపంగా మదన్‌ కాలర్‌ పట్టుకుంటాడు. భ్రమరాంబ గమనించి అందరిని పిలుస్తుంది. అందరూ వస్తారు. భ్రమరాంబ కోపంగా లక్కీని తిడుతూ ఒక అనాథ వెధవ నా అల్లుడి కాలర్‌ పట్టుకోవడమేంటి..? రేఖ వెంటనే వాణ్ని తన్ని ఇంట్లోంచి తరిమేయ్‌ అంటుంది. అప్పుడే వచ్చిన రాజు ఎవరి గురించి ఏం మాట్లాడుతున్నావు అత్తయ్య వాణ్ని టచ్‌ చేయమను చూద్దాం అంటాడు.</p>
<p><strong>మదన్‌ చెంప పగులగొట్టిన రేఖ</strong></p>
<p><a title="<strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong>" href="https://telugu.abplive.com/spirituality/dhul-hijjah-2026-the-10-best-days-of-the-islamic-lunar-calendar-last-month-of-zul-hijjah-know-in-details-247866" target="_self"><strong>ALSO READ: </strong><strong>ధుల్ హిజ్జా మాసంలో మొదటి </strong><strong>10 </strong><strong>రోజులు ఎందుకు ఉత్తమమైనవి</strong><strong>, </strong><strong>ఈ సమయంలో ముస్లింలు ఏం చేస్తారు</strong><strong>?</strong></a></p>
<p>రేఖ కోపంగా లక్కీని చూస్తూ.. దగ్గరకు వెళ్లి.. తిరిగి మదన్‌ను చెంప పగుల గొడుతుంది. నిన్ను ఇలాగే పెంచానా నేను.. ఇలాంటి వాళ్లతో గొడవ పెట్టుకుని నీ స్థాయిని దిగజార్చుకుంటావా అంటూ తిడుతుంది. మదన్‌ వెళ్లిపోతాడు. రేఖ వెళ్లిపోతుంది. అందరూ షాక్‌లో ఉంటారు. భ్రమరాంబ షాకింగ్‌గా శేషు ఇప్పుడు నేను చూసింది నిజమేనా.? రేఖ, మదన్‌ను నిజంగా కొట్టిందా అని అడగ్గానే.. కొట్టిందా ఏంటి కొట్టింది..? నిన్ను మొదటి నుంచి చెప్తూనే ఉన్నాను కదా రేఖలో ఏదో మార్పు కనిపిస్తుంది. రేఖ దేనికో భయపడుతుంది అంటూ శేషు చెప్పగానే.. భ్రమరాంబ అయోమయంగా చూస్తూ వెళ్లిపోతుంది.</p>
<p><strong>మదన్‌ను ఓదార్చిన రేఖ </strong></p>
<p>రేణు ప్లాన్‌ ప్రకారం ఐశ్వర్యను శశికి దగ్గర చేస్తుంది. శశి, ఐశ్వర్య ఇద్దరూ క్లోజ్‌గా మాట్లాడుకోవడం చూసి నువ్వు నిజంగా గ్రేట్‌ రా శశి.. కోరుకున్నదాని కోసం ఎంతవరకైనా తెగిస్తావు అనుకుంటుంది. ఇంట్లో ఉన్న రాజు, ఇందు తాము ఎంత చేసినా రేఖ నోరు విప్పడం లేదని తమ డోస్‌ పెంచాలని అదే టైంలో రేఖతో కొంచెం జాగ్రత్తగా ఉండాలని మాట్లాడుకుంటారు. మేడ మీద ఏడుస్తూ కూర్చున్న మదన్‌ దగ్గరకు వెళ్లి రేఖ ఓదారుస్తుంది. అయితే మదన్‌ కోపంగా బాధగా రేఖను ప్రశ్నిస్తుంటే రేఖ మౌనంగా ఉండిపోతుంది. ఇంతలో ఇవాళ్టీ ఏపిసోడ్‌ అయిపోతుంది. </p>
<p><a title="<strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong>" href="https://telugu.abplive.com/photo-gallery/lifestyle/who-should-avoid-eating-jamuns-know-the-potential-health-risks-248041" target="_self"><strong>ALSO READ: </strong><strong>నేరేడు పండ్లు అందరికీ మంచివేనా.. ఆ సమస్యలు ఉంటే మాత్రం జాగ్రత్త</strong></a></p>
<p> </p>
3 months ago
7 
