<p><strong>Brahmamudi Serial Today Episode:</strong> రాజ్‌, కావ్యలకు డాక్టర్‌ అనురాధ నిజం చెప్తుంది. పాప హెల్త్‌ కండీషన్‌ సీరియస్‌ గా ఉందని వెంటనే ఆపరేషన్‌ చేయాలని చెప్తుంది. దీంతో రాజ్‌, కావ్య షాక్‌ అవుతారు.</p>
<p><strong>రాజ్:</strong> ఎంత ఖర్చైనా ఆపరేషన్‌ చేయండి మేడం</p>
<p><strong>డాక్టర్‌:</strong> ప్రాబ్లమ్ డబ్బు గురించి కాదండి.. .. 10 రోజుల పాపకు ఆపరేషన్ చేస్తే బతుకుతుందా? లేదా? అన్నదే సమస్య.. సర్జరీ చేస్తే పాప ప్రాణాలకు గ్యారెంటీ ఇవ్వలేం.. కానీ మీరు ఒక నిర్ణయానికి వచ్చి ధైర్యంగా స్టెప్ తీసుకుంటే మా ప్రయత్నం మేము చేస్తాము</p>
<p><strong>కావ్య:</strong> ఈ పాపని మీరే ఉంచుకోండి.. నా కన్నబిడ్డను తిరిగి నాకు ఇవ్వండి. ఎవరి బిడ్డకో మీరు చెప్పిన వ్యాధి ఉంది. ఆ బిడ్డ ఆరోగ్యంగా లేదు, అదే సమయంలో నా పాప పుట్టింది ఆరోగ్యంగా ఉంది కాబట్టే ఆరోగ్యంగా లేని ఆ బిడ్డను నాకు ఇచ్చి, నా బిడ్డను వాళ్లకి ఇచ్చేశారు. అందరూ ఒక్కటై మా మీద కుట్ర చేశారు, తల్లిని బిడ్డను వేరు చేశారు.. మర్యాదగా నా బిడ్డను నాకు ఇవ్వండి</p>
<p><strong>డాక్టర్‌:</strong> మీ ఆవిడ ఇక మారదా? మళ్లీ మళ్లీ ఇదే చెబుతుంది.. అసలు ఏం మాట్లాడుతున్నారు కావ్య గారు మీరు ముందు మీరు ఇక్కడి నుంచి వెళ్లిపోండి</p>
<p>అని కోప్పడుతుంది డాక్టర్‌. రాజ్‌, కావ్య అక్కడి నుంచి వెళ్లిపోతారు. అంతా చాటు నుంచి హెడ్‌ నర్స్‌ నీలవేణి చూస్తుంది. దుగ్గిరాల ఇంట్లో అందరూ కంగారుగా కావ్య, రాజ్‌ ల కోసం ఎదురుచూస్తుంటారు. ఇంతలో రాజ్‌, కావ్య వస్తారు.</p>
<p><strong>అపర్ణ:</strong> పాపకు ఏమైంది..? ఎందుకిలా జరిగింది..? డాక్టర్లు ఏం చెప్పారు..?</p>
<p><strong>రాజ్‌:</strong> పాప విషయం తర్వాత అమ్మా ఇది ఈ కళావతి హాస్పిటల్‌ లో చేసిన పనికి తలెత్తుకోలేకపోయాను..</p>
<p><strong>ఇందిరాదేవి:</strong> ఇంతకీ ఏం జరిగింది కావ్య.. ఎందుకు పాప గురించి చెప్పకుండా రాజ్‌ నిన్ను తిడుతున్నాడు</p>
<p><strong>రాజ్‌:</strong> డాక్టర్‌ పాప కండీషన్ గురించి చెబుతుంటే.. డాక్టర్‌తోనే గొడవ పడుతుంది ఈ కళావతి. అక్కడేమో పాప పరిస్ధితి అస్సలు బాగాలేదని, గుండెల్లో ప్రాబ్లమ్ ఉందని. పాపకి వెంటనే ఆపరేషన్ చేయాలని.. ఒకవేళ ధైర్యం చేసి ఆపరేషన్ చేసినా బ్రతుకుతుందో లేదో చెప్పలేమని డాక్టర్లు అంటున్నారు. (రాజ్‌ చెప్పగానే.. అందరూ షాక్‌ అవుతారు.) అదంతా డాక్టర్ చెప్తుంటే.. ఈ కళావతి.. ఆ డాక్టర్ మీద విరుచుకుపడింది. ఇదంతా డాక్టర్ల కుట్ర అని.. ఆరోగ్యంగా ఉన్న తన బిడ్డను మార్చి, అనారోగ్యంగా ఉన్న బిడ్డను ఇచ్చారని .. తన బిడ్డను తిరిగి ఇచ్చేయమంటూ చాలా పెద్ద రాద్ధాంతం చేసింది.. అసలు నా బిడ్డను ఎలా కాపాడాలని ఆలోచించాలా? ఈ కళావతి మనసు ఎలా మార్చాలో ఆలోచించాలా? ఏం చేయను</p>
<p><strong>కావ్య:</strong> మీరు నన్ను అర్ధం చేసుకుంటే దారి దొరుకుతుంది. ఇదంతా ఒక పథకం ప్రకారం జరిగింది.. ఎవరికో డాక్టర్ సహకరించారు. అందుకే బిడ్డలను మార్చేశారు</p>
<p><strong>రాజ్‌:</strong> ఈ బిడ్డ నీ బిడ్డ కాదు అనడానికి నీ దగ్గర ఏదైనా సాక్ష్యం ఉందా..?</p>
<p><strong>కావ్య:</strong> నా దగ్గర ఇప్పుడు సాక్ష్యం లేకపోవచ్చు... కానీ నా బిడ్డ ఎక్కడుందో నేనే కనుక్కుంటాను.</p>
<p><strong>సుభాష్‌:</strong> ఓ వైపు పాపకు అంత ప్రమాదకరమైన జబ్బు అంటున్నారు.. లేని పాప కోసం ఎందుకంత తాపత్రయ పడతావు కావ్య</p>
<p><strong>కావ్య:</strong> ఈ పాపకు ఏం కానివ్వను, నా బిడ్డను జాగ్రత్తగా తెచ్చుకుని.. ఈ బిడ్డను ఆ తల్లిదండ్రులకు ఆరోగ్యంగా అప్పగిస్తాను..</p>
<p>అంటూ కావ్య లోపలికి వెళ్లిపోతుంది. అంతా చూసిన రేఖ,రాహుల్‌ రూంలోకి వెళ్లి రుద్రాణికి కాల్‌ చేస్తారు. ఇంట్లో జరిగిందంతా చెప్తారు. దీంతో ఇంకా రాహుల్‌, రేఖ మునుముందు ఇంట్లో ఎలా ఉండాలో చెప్తుంది రుద్రాణి. మరోవైపు మినిస్టర్‌ తన కూతురు జాతకం తెలుసుకోవడానికి జ్యోతిష్యుడిని పిలిపిస్తాడు. ఆ జ్యోతిష్యుడు నిజం చెప్పగానే ధర్మేంద్ర అతన్ని తిట్టి పంపిస్తాడు. మరోవైపు కావ్య తన దగ్గర ఉన్న బిడ్డను స్వప్నకు ఇచ్చి బయటకు వెళ్తుంటే ఎక్కడికి వెళ్తున్నావని అడిగితే తన బిడ్డను వెతుక్కోవడానికి వెళ్తున్నాను అని చెప్తుంది. ఇంతలో ఇవాళ్టీ ఏపిసోడ్‌ అయిపోతుంది.</p>
<p><a title=" <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong>" href="https://telugu.abplive.com/spirituality/if-you-get-such-dreams-you-will-become-a-millionaire-184151" target="_self"> <strong>ALSO READ: </strong><strong>మీరు కోటీశ్వరులు అయ్యే ముందు ఇలాంటి కలలే వస్తాయట! </strong></a></p>
<p> </p>
2 months ago
7 
