<p>దుల్కర్ సల్మాన్ కథానాయకుడిగా రవి నెలకుదిటి దర్శకత్వంలో రూపొందుతున్న రొమాంటిక్ లవ్ స్టోరీ 'శ్రీ శ్రీ' (Sri Sri Movie). ఎస్ఎల్వీ సినిమాస్ పతాకంపై సుధాకర్ చెరుకూరి నిర్మిస్తున్నారు. దుల్కర్ సల్మాన్ సరసన 'బుట్ట బొమ్మ' పూజా హెగ్డే (Pooja Hegde) తొలిసారి కథానాయికగా నటిస్తున్న చిత్రమిది. ఈ సినిమాలోని తొలి పాట 'బొమ్మ బొమ్మ...'ను తాజాగా విడుదల చేశారు.</p>
<p><strong>రొమాంటిక్ మెలోడీ... ప్రేమను చూపించేలా!</strong><br />'శ్రీ శ్రీ' సినిమాలోని తొలి పాట 'బొమ్మ బొమ్మ...'కు అనంత శ్రీరామ్ సాహిత్యం అందించారు. జీవీ ప్రకాష్ కుమార్ స్వరపరిచిన ఈ మెలోడీని కపిల్ కపిలన్ ఆలపించారు. లిరికల్ వీడియో విషయానికి వస్తే... రైల్వే స్టేషన్‌లో ఓ బెంచ్‌పై దుల్కర్ సల్మాన్ కూర్చుని ఉంటారు. ఆ ప్లాట్‌ఫామ్‌ మీదకు పూజా హెగ్డే అడుగు పెడతారు. ఆమెను చూసిన మరుక్షణమే మెస్మరైజ్ అవుతారు హీరో. ఆ తర్వాత ఇద్దరి మధ్య అందమైన ప్రేమ ప్రయాణాన్ని, వాళ్ళిద్దరి మధుర క్షణాలను ఈ పాటలో అందంగా చూపించారు. లిరిక్స్ విషయానికి వస్తే...</p>
<p><strong>పల్లవి:</strong><br />బొమ్మ బొమ్మ నిన్ను మళ్ళీ గీసిందెవరమ్మా<br />బంగారంలో మరి ముంచి తీసిందెపుడమ్మా<br />అడుగు అడుగు నువ్వు నడిచేల్లేటి దారంతా<br />వెలుగు జిలుగు వెదజల్లేస్తూ ఉందేటమ్మా</p>
<p>ఇన్నాళ్ళూ కలలో కలవనే లేదే ఈ అందం<br />ఇవ్వాళే నిజంలా ఎదురవుతున్నదే<br />ఇన్నేళ్ళు కథల్లో కనబడిందేమో ఈ లోకం <br />ఈ రోజు ప్రయాణం మది చూపించేనే</p>
<p>నేన్.. నేనేనా, అరె నేన్.. నేనేనా<br />వేరెవ్వర్నో నాలోన చూశానా<br />నేన్.. నేనేనా, అరె నేన్.. నేనేనా<br />నీ ముందుంటే, వేరేగా మారానా</p>
<p>బొమ్మ బొమ్మ నిన్ను మళ్ళీ గీసిందెవరమ్మా<br />బంగారంలో మరి ముంచి తీసిందెపుడమ్మా</p>
<p>Also Read<strong>: <a title="Kalatheylaa Song Lyrics - కలతేలా లిరిక్స్... మధ్యతరగతి భర్తకు మోటివేషన్ ఇచ్చేలా విశాల్ 'మకుటం'లో సాంగ్" href="https://telugu.abplive.com/entertainment/cinema/kalatheylaa-song-telugu-lyrics-vishal-makutam-movie-gv-prakash-krishna-tejasvi-written-update-254766" target="_self">Kalatheylaa Song Lyrics - కలతేలా లిరిక్స్... మధ్యతరగతి భర్తకు మోటివేషన్ ఇచ్చేలా విశాల్ 'మకుటం'లో సాంగ్</a></strong></p>
<p><strong>చరణం 1:</strong><br />ఆకాశమే పైటగా నీపైయ్యుందా<br />మేఘాలనే పూలుగా నీకిచ్చిందా<br />ఆ జాబిలే నవ్వులా నీలో ఉందా<br />నా చూపులే వెన్నెలై అల్లేసిందా</p>
<p>కనులకే కొత్త జన్మ<br />మనసుకే మత్తు చెమ్మ<br />రుచిచూపే వేళా..</p>
<p>Also Read<strong>: <a title="Kotha Soku Lyrics - కొత్త సోకు లిరిక్స్... 'పళ్ళబురుసు'లో పక్కా తెలంగాణ ఫోక్ సాంగ్... సురేష్ గంగుల సాహిత్యం సూపర్" href="https://telugu.abplive.com/entertainment/cinema/kotha-soku-lyrics-telangana-folk-song-in-muralidhar-goud-pawan-ch-suresh-gangula-pallaburusu-movie-254363" target="_self">Kotha Soku Lyrics - కొత్త సోకు లిరిక్స్... 'పళ్ళబురుసు'లో పక్కా తెలంగాణ ఫోక్ సాంగ్... సురేష్ గంగుల సాహిత్యం సూపర్</a></strong></p>
<p>నేన్.. నేనేనా, అరె నేన్.. నేనేనా<br />వేరెవ్వర్నో నాలోన చూశానా <br />నేన్.. నేనేనా, అరె నేన్.. నేనేనా<br />నీ ముందుంటే, వేరేగా మారానా</p>
<p><iframe title="Bomma Bomma - Lyrical | Sri Sri | Dulquer Salmaan | Pooja Hegde | GV Prakash Kumar | Ravi Nelakuditi" src="https://www.youtube.com/embed/XzupjqG2zRg" width="806" height="425" frameborder="0" allowfullscreen="allowfullscreen"></iframe></p>
<p>'బొమ్మ బొమ్మ' పాటలో దుల్కర్ సల్మాన్, పూజా హెగ్డే మధ్య కెమిస్ట్రీ ప్రధాన ఆకర్షణగా నిలిచింది. లొకేషన్లు కూడా అందంగా ఉన్నాయి. విజువల్స్ పాటలోని రొమాంటిక్ ఫీల్‌ను ఎలివేట్ చేశాయి. ట్యూన్ క్యాచీగా ఉంది. చార్ట్‌ బస్టర్‌ అయ్యేలా ఉంది. ఇది పాన్ ఇండియా సినిమా. 'శ్రీ శ్రీ'ని తెలుగుతో పాటు తమిళ, హిందీ, కన్నడ, మలయాళ భాషల్లో ప్రపంచవ్యాప్తంగా విడుదల చేయనున్నారు. ఈ సినిమాను ఈ ఏడాది డిసెంబర్ నెలలో (Sri Sri Movie Release Date) ప్రేక్షకుల ముందుకు తీసుకు రావడానికి సన్నాహాలు చేస్తున్నారు.</p>
<p>Also Read<strong>: <a title="Alelle Alelle Song Lyrics - 'అలెల్లె అలెల్లె' లిరిక్స్... ట్రెండింగ్‌లో 'శ్రీనివాస మంగాపురం'లో సాంగ్ - జీవీ సంగీతంలో శ్రీమణి ఏం రాశారంటే?" href="https://telugu.abplive.com/entertainment/cinema/alelle-alelle-song-lyrics-srinivasa-mangapuram-movie-first-single-jayakrishna-rasha-thadani-gv-prakash-kumar-telugu-written-update-245954" target="_self">Alelle Alelle Song Lyrics - 'అలెల్లె అలెల్లె' లిరిక్స్... ట్రెండింగ్‌లో 'శ్రీనివాస మంగాపురం'లో సాంగ్ - జీవీ సంగీతంలో శ్రీమణి ఏం రాశారంటే?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/pooja-hegde-inspired-lehengas-for-wedding-reception-party-look-139558" width="631" height="381" scrolling="no"></iframe></p>
3 months ago
7 
