<p><strong>Porsche Car Crash On Mumbai Highway With BMW:</strong> గత బుధవారం రాత్రి (అక్టోబర్ 8, 2025) ముంబైలోని వెస్ట్రన్ ఎక్స్‌ప్రెస్‌వే జరిగిందీ సంఘటన. ఒక లగ్జరీ పోర్షే కారు రోడ్డు ప్రమాదానికి గురైంది. అయితే, ఇది అనుకోని సంఘటన కాదు, కావాలనే రిస్క్‌ తీసుకోవడం వల్ల జరిగింది. అసలు విషయంలోకి వద్దా.. గత బుధవారం నాడు, కొందరు యువకులు పోర్స్చే & BMW మధ్య జరిగిన హైస్పీడ్ రేస్‌ పెట్టుకున్నారు. ఆ సమయంలోనే ఈ ప్రమాదం జరిగిందని సమాచారం అందుతోంది. వేగం చాలా ఎక్కువగా ఉండటంతో పోర్స్చే కారు నియంత్రణ కోల్పోయి డివైడర్‌ను ఢీకొట్టి పూర్తిగా నుజ్జునుజ్జయింది. జోగేశ్వరి ప్రాంతంలో ముగ్గురు స్నేహితులు పోర్షే కారులో వేగంగా దూసుకెళ్తుండగా ఈ ప్రమాదం జరిగింది. వెనుక నుంచి వచ్చిన BMW కారు పోర్స్చే కారును స్వల్పంగా ఢీకొట్టింది. దీని ఫలితంగా, పోర్స్చే కారు బ్యాలెన్స్ కోల్పోయి డివైడర్‌ను ఢీకొట్టింది. </p>
<p><strong>ప్రమాదానికి గురైన పోర్స్చే కారు ఖరీదు ఎంత ఉంటుంది?</strong><br />మన దేశంలో, పోర్స్చే కార్ల ధరలు రూ. 89.65 లక్షల నుంచి రూ. 3.77 కోట్ల (ఎక్స్‌-షోరూమ్‌) వరకు ఉన్నాయి. ముంబై హైవేపై ప్రమాదానికి గురైన మోడల్‌ను పోలీసులు అధికారికంగా ధృవీకరించనప్పటికీ, ఇది పోర్స్చే 911 (Porsche 911) లేదా పోర్స్చే మకాన్ (Porsche Macan) అయి ఉంటుందని భావిస్తున్నారు. </p>
<p><em>పోర్స్చే 911 ధర రూ. 2 కోట్ల నుంచి రూ. 3.77 కోట్ల మధ్య ఉంటుంది. </em></p>
<p><em>పోర్స్చే కేయెన్ (Porsche Cayenne) ధర ₹1.39 కోట్ల నుంచి ₹1.94 కోట్ల వరకు ఉంటుంది. </em></p>
<p><em>పోర్స్చే మకాన్ ధర ₹89.65 లక్షల నుంచి ₹1.10 కోట్ల మధ్య ఉంటుంది. </em></p>
<p><em>ఎలక్ట్రిక్ పోర్స్చే టైకాన్ (Porsche Taycan) ధర ₹1.70 కోట్ల నుండి ₹2.69 కోట్ల మధ్య ఉంటుంది. </em></p>
<p><em>పోర్స్చే పనామెరా ‍‌(Porsche Panamera) ధర ₹1.71 కోట్ల నుండి ₹2.33 కోట్ల మధ్య ఉంటుంది. </em></p>
<p>ఈ మోడళ్లన్నీ శక్తివంతమైన ఇంజిన్లు, ఆటోమేటిక్ ట్రాన్స్మిషన్లు & హై-స్పీడ్ పనితీరును కలిగి ఉంటాయి.</p>
<p><strong>పోర్స్చే కార్లలో అల్ట్రా లగ్జరీ ఫీచర్లు </strong><br />పోర్స్చే కారు అంటేనే సంపదకు గుర్తు. విలాసవంతమైన ఇంటీరియర్స్, స్పోర్టీ డిజైన్ & పవర్‌ఫుల్‌ పెర్ఫార్మెన్స్‌కు ఈ కార్లు బాగా పాపులర్‌. ADAS (అడ్వాన్స్‌డ్ డ్రైవర్ అసిస్టెన్స్ సిస్టమ్), మల్టీ ఎయిర్‌బ్యాగ్‌లు, EBDతో ABS, ట్రాక్షన్ కంట్రోల్ & ఎలక్ట్రానిక్ స్టెబిలిటీ ప్రోగ్రామ్ (ESP) సహా చాలా సేఫ్టీ ఫీచర్లు ఈ కార్లలో ఉంటాయి. హెడ్స్‌-అప్ డిస్‌ప్లే, వైర్‌లెస్ ఛార్జింగ్, ఆటో క్లైమేట్ కంట్రోల్, టైప్-సి పోర్ట్‌లు & ప్రీమియం ఆడియో సిస్టమ్ వంటి ఆధునిక లక్షణాలు కూడా ఉన్నాయి. అయితే, కారు ఎంత సురక్షితమైనదైనా... వేగం & రేసింగ్ వంటి నిర్లక్ష్యపు డ్రైవింగ్ కారణంగా ప్రాణాంతకం కావచ్చు.</p>
<p>రోడ్డుపై వెళ్తున్నప్పుడు ఎదురయ్యే అతి పెద్ద శత్రువు వేగమే అని ముంబై హైవే ప్రమాదం మరోసారి రుజువు చేసింది. కోట్ల రూపాయల విలువైన లగ్జరీ పోర్షే కారు కొన్ని సెకన్లలోనే తుక్కుగా మారింది, ఇక దానిని పాత ఇనుప సామాను కింద అమ్మేయాల్సిందే. ఈ ప్రమాదంలో ప్రాణ నష్టంపై సమాచారం లేదు.</p>
1 month ago
2 
