<p><strong>Bigg Boss Season 10 Letest Promo:</strong> బిగ్‌బాస్ ఇంట్లో మూడో వారం టెంప్టేషన్ వర్సెస్ టెన్షన్‌ నడుస్తుంది. పేరుకి తగ్గట్టుగానే బిగ్‌బాస్ ఇంటి సభ్యులకు రకరకాలు టెంప్టెషన్స్‌తో పాటు టెన్షన్‌లు ఇస్తున్నాడు. నిన్న అగ్నిపరీక్ష నుంచి వచ్చిన అపూర్వ, మిథిలేష్‌లో కెప్టెన్సీ రేసు నుంచి అమన్, సృష్టిలను తొలగించడం.. తర్వాత ముకేశ్ గేమ్‌లో గెలిచి కెప్టెన్‌ అవ్వడం.. ముకేశ్‌తో పాటు గేమ్ ఆడిన అపూర్వకి కూడా ఇమ్యూనిటీ దక్కిన తరుణంలో చాలా మంది మిథిలేష్‌ని టార్గెట్ చేస్తూ నామినేషన్లకు పాయింట్లు రెడీ చేసుకుంటున్నారు. ఈ తరుణంలో మిథిలేష్ తన సిక్స్ ప్యాక్స్ ఇంటి సభ్యులకు చూపించడం.. ఆయనకు రాంప్రసాద్, నరేశ్ పోటీ రావడం.. ముకేశ్ తన లవర్ తల్లి దండ్రులకు దొరక్కుండా చేసిన ఓ పని చెప్పడానికి సంబంధించి బిగ్‌బాస్ టీం తాజాగా ఓ ప్రోమోని విడుదల చేసింది. ప్రస్తుతం చాలా ఆకట్టుకుంటున్న ఆ ప్రోమోలో ఏం ఉందో ఇప్పుడు తెలుసుకుందాం..</p>
<p><strong>ప్రోమోలో ఉంది ఇదే..</strong></p>
<p>రాంప్రసాద్, అపూర్వ, సుధీర్, దేబ్జానీ, ఝాన్సీ, ముకేశ్, వర్షిణి, వంశీ, అమన్, త్రిగుణ్, మిథిలేష్, నరేశ్ గార్డెన్ ఏరియాలో కూర్చొని మాట్లాడుకుంటారు. రాంప్రసాద్ దేబ్జానీతో ఫస్ట్‌లవ్‌ స్టోరీ నుంచి చివరి స్టోరీ వరకు మధ్యలో ఎన్ని లవ్‌స్టోరీలు ఉన్నాయి అని అడుగుతాడు. ఉండు లెక్క పెడతా అని దేబ్జానీ అంటే నా తల్లే నా బంగారు చెల్లే బెంగాల్ మొత్తం లెక్కించేస్తుందని రాంప్రసాద్ సెటైర్ వేస్తాడు. అందరూ తెగ నవ్వుతారు. అమన్ నువ్వు ఎంత మంది జీవితాలు నాశనం చేశావో చెప్పు.. చెప్పు నాకు తెలిసి నువ్వు ఏయ్ బరాబర్ ఉంటాది అంటూ రాంప్రసాద్ అమన్‌ వేలు ఎలా చూపిస్తాడో అచ్చం అటా ఇమిటేట్ చేస్తాడు. మిగతా అందరూ బరాబర్ ఉంటుంది అని కోరస్ పాడుతారు. నరేశ్, రాంప్రసాద్ అమన్ అమన్‌ లవర్‌లా నటించి ఏయ్ ఏందే లేట్ వచ్చినావ్ అని ఒకరు అడిగితే బరాబర్ వస్తా నా ఇష్టం బరాబర్ వస్తా అని అమన్ వాడే బరాబర్ మాటని వాడి నవ్విస్తారు. </p>
<p>ముకేశ్ అందరితో అమ్మాయి అబ్బాయి మాత్రమే ఉన్నప్పుడు ఎవరైనా ఇరుక్కున్నారా చెప్పండి అని అడుగుతాడు. దీనికి నువ్వే సమాధానం చెప్పాలి అని రాంప్రసాద్ వాళ్లు అడగటంతో ముకేఖ్ పరుగులు పెడతాడు. త్రిగుణ్ కాలు పట్టి ఆపి చెప్పమంటారు. దాంతో ముకేశ్ తన లవర్ వాళ్ల ఇంట్లో ఎవరూ లేకపోవడంతో ఊరికే చూడటానికి వెళ్లాను సడెన్‌గా వాళ్ల పేరెంట్స్ వచ్చేయడంతో బాత్‌రూం మీద ఉన్న అటక మీద 6 గంటలు దాక్కున్నా అని చెప్తాడు. అందరూ పడి పడి నవ్వుతారు. తర్వాత మష్రూం గదిలో మిథిలేష్ తన జిమ్ బాడీ చూపిస్తాడు. మిథిలేష్‌కి పోటీగా రాంప్రసాద్ కూడా షర్ట్ తీసేసి తన బాడీ మీద పెన్నుతో 6 ప్యాక్‌లా గీతలు గీసుకొని చూపిస్తాడు. తర్వాత నరేశ్ కూడా గీతలు గీసుకొని చూపిస్తాడు. అందరూ పడి పడి నవ్వుతారు. ఇంతలో బిగ్‌బాస్ నరేశ్ చిన్న పిల్లలతో మనకి పోటీ ఏంటి అని అంటారు. బిగ్‌బాస్ సెటైర్‌తో అందరూ చాలా చాలా నవ్వుతారు. దీంతో ప్రోమో పూర్తవుతుంది. </p>
<p style="text-align: center;"><iframe title="Bigg Boss Season 10 Telugu | Unseen Drama | 24/7 Live Stream on JioHotstar | Star Maa" src="https://www.youtube.com/embed/uEOzRY1qQUo" width="694" height="400" frameborder="0" allowfullscreen="allowfullscreen"></iframe></p>
<p><br /> <strong>వంశీనే ఎలిమినేట్ అవుతాడు.. </strong></p>
<p>ఇక ఈ రోజు వీకెండ్ ఎపిసోడ్‌లో నాగ్ వచ్చి అందరిని అడిగి కడిగేయనున్నారు. ముఖ్యంగా సృష్టి, సుధీర్ విషయం హైలెట్ కానుంది.. త్రిగుణ్ సడెన్‌గా మార్చుకున్న నిర్ణయం గురించి మాట్లాడుతారు. అమన్ సంచాలకుడిగా చేసినప్పుడు జరిగిన గొడ గురించి మాట్లాడుతారు. అయితే ఈ వారం నామినేషన్లలో త్రిగుణ్ మొదటి స్థానంలో ఉన్నాడు. షాలిని రెండో స్థానంలో.. ఝాన్సీ, సుధీర్ మూడు నాలుగు స్థానాల్లో ఉన్నారు. చరణ్, అమన్ ఈ వారానికి గండం నుంచి గట్టెక్కినా రిస్క్‌లో ఉన్నట్లే.. ఇక వర్షిణి, వంశీలు లీస్ట్‌లో ఉన్నప్పటికీ ముకేశ్ ఫ్యాన్స్ మొత్తం వర్షిణికి ఓటు వేయడంతో వర్షిణి సేవ్ అయిపోతుంది. చివరగా ఈ వారం వంశీ ఇంటి నుంచి వెళ్లిపోవచ్చు. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.</strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి.</strong></a></p>
1 month ago
2 
