<p>మాస్ మహారాజా రవితేజ కెరీర్‌లో 'మాస్ జాతర' మరొక ఫ్లాప్ అయ్యింది. ఆ సినిమా ప్రేక్షకులను మాత్రమే కాదు అభిమానులను సైతం అలరించలేదు. 'మాస్ జాతర'తో రవితేజపై మాత్రమే కాదు... సంగీత దర్శకుడు మీద విమర్శలు వచ్చాయి. ఆయన నేపథ్య సంగీతం బాలేదని క్రిటిక్స్ అండ్ ఆడియన్స్ విమర్శించారు. ఈ సమయంలో 'అల్లరి' నరేష్ సినిమా ఆయనకు ఒక మంచి అవకాశాన్ని ఇచ్చింది.</p>
<p><strong>మాస్ జాతర బాకీ తీర్చేయాలి...</strong><br /><strong>12ఏ రైల్వే కాలనీతో సత్తా చాటాలి!</strong><br />అల్లరి నరేష్ హీరోగా నటించిన లేటెస్ట్ సినిమా '12ఏ రైల్వే కాలనీ'. దీనికి భీమ్స్ మ్యూజిక్ డైరెక్టర్. గతంలో నరేష్ సినిమాకు సూపర్ హిట్ సాంగ్ ఇచ్చిన క్రెడిట్ ఆయనకు ఉంది. అప్పట్లో భీమ్స్ చిన్న మ్యూజిక్ డైరెక్టర్ అయితే ఇప్పుడు ఆయన మాస్ మ్యూజిక్ డైరెక్టర్. చేతిలో కమర్షియల్ హిట్స్ ఉన్న మ్యూజిక్ డైరెక్టర్. కానీ రీసెంట్ రిలీజ్ 'మాస్ జాతర' ఆయనకు బ్యాడ్ నేమ్ తెచ్చింది. అందులో ఆర్ఆర్ బాలేదని విమర్శలు వచ్చాయి. దాంతో '12ఏ రైల్వే కాలనీ'తో ప్రూవ్ చేసుకోవాల్సిన అవసరం భీమ్స్ మీద పడింది. </p>
<p>'12ఏ రైల్వే కాలనీ' ట్రైలర్ చూస్తే భీమ్స్ ఆర్ఆర్ సీరియస్ టోన్‌లో సాగింది. ఆ జానర్ సినిమాలకు అది యాప్ట్ ఆర్ఆర్. 'మాస్ జాతర'లో రొట్ట కొట్టుడు ఆర్ఆర్ ఇచ్చారని, మ్యూజిక్ బదులు ఎక్కువగా వాయిస్ వినిపించిందని విమర్శ వచ్చింది. దాన్ని చెరిపేసుకునే అవకాశం '12ఏ రైల్వే కాలనీ'తో లభించింది. ఇది హిట్ అయితే, భీమ్స్ నేపథ్య సంగీతానికి పేరు వస్తే సంక్రాంతి సినిమాలకు భరోసా లభిస్తుంది. ఎందుకంటే...</p>
<p>Also Read<strong>: <a title="ధర్మేంద్రను అంబులెన్స్‌లో ఇంటికి తీసుకెళ్లిన ఫ్యామిలీ... లేటెస్ట్ హెల్త్ అప్డేట్ ఏమిటంటే?" href="https://telugu.abplive.com/entertainment/cinema/dharmendra-health-update-veteran-actor-discharged-from-hospital-bobby-deol-takes-father-to-home-226927" target="_self">ధర్మేంద్రను అంబులెన్స్‌లో ఇంటికి తీసుకెళ్లిన ఫ్యామిలీ... లేటెస్ట్ హెల్త్ అప్డేట్ ఏమిటంటే?</a></strong></p>
<p><iframe title="Vikranth Chandini Chowdary Interview: Spark didn't play... Hit confirmed with Santana Praptirastu..." src="https://www.youtube.com/embed/YWT7yxft6HM" width="670" height="377" frameborder="0" allowfullscreen="allowfullscreen"></iframe></p>
<p><strong>రెండు సంక్రాంతి రిలీజులకు భీమ్స్ మ్యూజిక్!</strong><br />'సంక్రాంతికి వస్తున్నాం' హిట్ అవ్వడంతో మరోసారి భీమ్స్ సిసిరోలియోకి మ్యూజిక్ చేసే అవకాశం ఇచ్చారు దర్శకుడు అనిల్ రావిపూడి. అది కూడా మెగాస్టార్ చిరంజీవి 'మన శంకర వరప్రసాద్ గారు' సినిమాకు. ఆల్రెడీ విడుదలైన 'మీసాల పిల్ల' ట్రెండ్ అవుతోంది. 'మాస్ జాతర' తర్వాత రవితేజ సినిమా 'భర్త మహాశయులకు విజ్ఞప్తి'కి సైతం భీమ్స్ మ్యూజిక్ చేస్తున్నారు. </p>
<p>'మాస్ జాతర' తర్వాత భీమ్స్ ఆర్ఆర్ మీద సందేహాలు నెలకొన్నాయి. '12ఏ రైల్వే కాలనీ'తో ఆ సందేహాలకు చెక్ పెట్టడంతో పాటు సంక్రాంతి సినిమాలకు భరోసా ఇవ్వాల్సిన బాధ్యత ఆయనపై ఉంది.</p>
<p>Also Read<strong>: <a title="కాంత'ను కోర్టుకు లాగిన సూపర్ స్టార్ ఫ్యామిలీ... అసలు ఇష్యూ ఏమిటంటే?" href="https://telugu.abplive.com/entertainment/cinema/kaantha-movie-controversy-first-tamil-superstar-mk-thyagaraja-bhagavathar-grandson-files-case-against-dulquer-salmaan-film-in-madras-high-court-226925" target="_self">'కాంత'ను కోర్టుకు లాగిన సూపర్ స్టార్ ఫ్యామిలీ... అసలు ఇష్యూ ఏమిటంటే?</a></strong></p>
<p> </p>
3 weeks ago
2 
