<p>Best Phones Under 30000: అమెజాన్, ఫ్లిప్‌కార్ట్ పండగ సేల్స్ వచ్చేస్తున్నాయి. ఈ సీజన్‌లో రూ.30,000 లోపు స్మార్ట్‌ఫోన్ కొనాలని ప్లాన్ చేస్తుంటే, పోకో, రెడ్‌మీ, వన్‌ప్లస్, మోటరోలా నుంచి కొన్ని బెస్ట్ మోడళ్లను చూసేద్దాం. ఈ ఫోన్‌లలో 9,000mAh వరకు భారీ బ్యాటరీలు, 144Hz వరకు రిఫ్రెష్ రేట్లు, 50-మెగాపిక్సెల్ కెమెరాలు వంటి టాప్ ఫీచర్లు ఉన్నాయి. కాబట్టి, ఈ సేల్‌లో అందుబాటులో ఉన్న బెస్ట్ స్మార్ట్‌ఫోన్ ఆప్షన్‌లను తెలుసుకుందాం.</p>
<h3>1. వన్‌ప్లస్ నార్డ్ N6</h3>
<p>తక్కువ బడ్జెట్‌లో భారీ బ్యాటరీ కోసం చూస్తున్న వారికి వన్‌ప్లస్ నార్డ్ N6 బెస్ట్ ఛాయిస్. దీని ప్రారంభ ధర రూ.24,999. ఈ ఫోన్‌లో 120Hz రిఫ్రెష్ రేట్‌కు సపోర్ట్ చేసే 6.75 ఇంచుల HD+ LCD డిస్‌ప్లే ఉంది. ఇందులో 8,000mAh బ్యాటరీ, 45W ఛార్జింగ్ సపోర్ట్ ఉన్నాయి. ఈ ఫోన్ మీడియాటెక్ డైమెన్సిటీ 6360 అపెక్స్ ప్రాసెసర్‌తో పనిచేస్తుంది. 6GB వరకు ర్యామ్, 128GB స్టోరేజ్‌తో వస్తుంది. అయితే దీని సాఫ్ట్‌వేర్ సపోర్ట్ 2 సంవత్సరాల OS అప్‌డేట్‌లకు, 3 సంవత్సరాల సెక్యూరిటీ అప్‌డేట్‌లకు మాత్రమే పరిమితం.</p>
<h3>2. పోకో X8</h3>
<p>పోకో X8 రూ.29,999 ప్రారంభ ధరతో అందుబాటులో ఉంది. ఈ ఫోన్‌లో 120Hz రిఫ్రెష్ రేట్‌కు మద్దతు ఇచ్చే 6.83 ఇంచుల 1.5K AMOLED డిస్‌ప్లే ఉంది. దీనికి IP69K రేటింగ్ ఉంది. ఈ ఫోన్‌లో 50-మెగాపిక్సెల్ మెయిన్ రియర్ కెమెరా, డెప్త్ మ్యాపింగ్ కోసం అదనపు కెమెరా ఉన్నాయి. 67W వైర్డ్ ఛార్జింగ్‌‌కు మద్దతు ఇచ్చే దీని 9,000mAh సిలికాన్-కార్బన్ బ్యాటరీ ఈ ఫోన్ బిగ్ హైలైట్. ఇందులో స్నాప్‌డ్రాగన్ 6s జెన్ 4 ప్రాసెసర్, 8GB వరకు ర్యామ్, 256GB వరకు స్టోరేజీ ఉన్నాయి.</p>
<h3>3. మోటొరోలా G77 పవర్</h3>
<p>మోటొరోలా G77 పవర్ అత్యంత చౌకైన ఫోన్లలో ఒకటి, దీని ధర రూ.22,999 నుండి స్టార్ట్ అవుతుంది. ఈ ఫోన్‌లో 120Hz రిఫ్రెష్ రేట్‌‌తో 6.74 ఇంచుల FHD+ LCD డిస్‌ప్లే ఉంది. దీనికి IP64 రేటింగ్ ఉంది. ఈ ఫోన్‌లో 7,000mAh బ్యాటరీ ఉంది. ఇది రెండు రోజుల వరకు బ్యాటరీ లైఫ్ ఇస్తుందని కంపెనీ చెబుతోంది. ఈ ఫోన్ మీడియాటెక్ డైమెన్సిటీ 6400 ప్రాసెసర్‌తో పనిచేస్తుంది. 30W వైర్డ్ ఛార్జింగ్‌కు సపోర్ట్ చేస్తుంది. <br /><br />Also Read: <a title=" అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్" href="https://telugu.abplive.com/business/october-2026-key-financial-changes-banking-digital-payments-tax-lpg-rules-telugu-news-260312" target="_self"> అక్టోబర్ 1 నుంచి కొత్త రూల్స్.. బ్యాంక్ FD, LPG లో మార్పులు, ఎన్‌పీఎస్ కొత్త స్కీమ్</a></p>
<h3>4. రెడ్‌మీ నోట్ 17</h3>
<p>రెడ్‌మీ నోట్ 17 ధర రూ.27,999 నుంచి స్టార్ట్ అవుతుంది. ఈ ఫోన్‌లో 120Hz రిఫ్రెష్ రేట్, గొరిల్లా గ్లాస్ 7i ప్రొటెక్షన్‌తో 6.9 ఇంచుల FHD+ AMOLED డిస్‌‌ప్లే ఉంది. దీని బాడీకి IP65 రేటింగ్ ఉంది. ఈ ఫోన్‌లో 45W ఛార్జింగ్ సపోర్ట్‌తో 8,000mAh బ్యాటరీ ఉంది. ఇందులో స్నాప్‌డ్రాగన్ 4వ తరం ప్రాసెసర్, 8GB వరకు ర్యామ్, 128GB స్టోరేజ్, 50 మెగాపిక్సెల్ రియర్ కెమెరా ఉన్నాయి.<br /><br />Also Read: <a title="మొబైల్ రీఛార్జ్‌ల్లో భారీ మార్పులు.. ఇకపై 30 రోజుల ప్లాన్స్!" href="https://telugu.abplive.com/business/big-relief-for-prepaid-mobile-users-trai-introduces-30-day-plans-and-voice-only-options-260085" target="_self">మొబైల్ రీఛార్జ్‌ల్లో భారీ మార్పులు.. ఇకపై 30 రోజుల ప్లాన్స్!</a></p>
<h3>5. వన్‌ప్లస్ నార్డ్ CE 6 లైట్</h3>
<p>నార్డ్ CE 6 లైట్ ధర రూ.28,999 నుండి స్టార్ అవుతుంది. ఇందులో 144Hz రిఫ్రెష్ రేట్‌కు సపోర్ట్ చేసే బెస్ట్ 6.72 ఇంచుల FHD+ AMOLED డిస్‌ప్లే ఉంది. ఇది మీడియాటెక్ డైమెన్సిటీ 7400 అపెక్స్ ప్రాసెసర్‌తో పనిచేస్తుంది. ఇందులో 7,000mAh బ్యాటరీ ఉంది. ఇది 45W ఛార్జింగ్‌కు సపోర్ట్ చేస్తుంది. దీనికి నాణ్యమైన 50 మెగాపిక్సెల్ రియర్ కెమెరా ఉంది.</p>
<p>Also Read: <a title=" పర్సనల్ లోన్ అర్హత, వడ్డీ రేట్లు, ఈఎంఐ, డాక్యుమెంట్స్, రీపేమెంట్ పూర్తి వివరాలు" href="https://telugu.abplive.com/business/personal-loan-guide-eligibility-interest-rates-emi-documents-and-repayment-details-259911" target="_self"> పర్సనల్ లోన్ అర్హత, వడ్డీ రేట్లు, ఈఎంఐ, డాక్యుమెంట్స్, రీపేమెంట్ పూర్తి వివరాలు</a></p>
3 weeks ago
3 
