<p><strong>Ind Vs Aus 3rd T20 Latest Updates:</strong> బ్యాట‌ర్లంతా స‌మ‌ష్టిగా రాణించ‌డంతో ఆస్ట్రేలియాతో జ‌రిగిన మూడో టీ20లో ఇండియా ఐదు వికెట్ల‌తో ఘ‌న విజయం సాధించింది. హోబ‌ర్ట్ వేదిక‌గా గురువారం జ‌రిగిన ఈ మ్యాచ్ లో టాస్ ఓడి ఫ‌స్ట్ బ్యాటింగ్ చేసిన ఆస్ట్రేలియా నిర్ణీత 20 ఓవ‌ర్ల‌లో 6 వికెట్ల‌కు 186 ప‌రుగులు చేసింది. విధ్వంస‌క బ్యాట‌ర్ టిమ్ డేవిడ్ స్ట‌న్నింగ్ ఫిఫ్టీ (38 బంతుల్లో 74, 8 ఫోర్లు, 5 సిక్స‌ర్లు)తో టాప్ స్కోర‌ర్ గా నిలిచాడు. బౌల‌ర్ల‌లో అర్ష‌దీప్ సింగ్ మూడు వికెట్ల‌తో స‌త్తా చాటాడు.</p>
<p>అనంత‌రం ఛేజింగ్ లో భార‌త్ 18.3 ఓవ‌ర్ల‌లో 5 వికెట్ల‌కు 188 ప‌రుగులు చేసింది. ఆల్ రౌండ‌ర్ వాషింగ్ట‌న్ సుంద‌ర్ (23 బంతుల్లో 49 నాటౌట్, 3 ఫోర్లు, 4 సిక్స‌ర్లు)తో టాప్ స్కోర‌ర్ గా నిలిచి, త్రుటిలో ఫిఫ్టీ మిస్స‌య్యాడు. బౌల‌ర్ల‌లో నాథ‌న్ ఎల్లిస్ కు మూడు వికెట్లు ద‌క్కాయి. ఈ వేదికపై ఇదే అత్య‌ధిక ఛేదన కావ‌డం విశేషం. అర్ష‌దీప్ కు ప్లేయ‌ర్ ఆఫ్ ద మ్యాచ్ అవార్డు ద‌క్కింది. </p>
<blockquote class="twitter-tweet">
<p dir="ltr" lang="en">India won against the weakest Australian attack ever. Their only main bowler Josh Hazlewood also didn’t play today as he left the T20 series midway to participate in domestic cricket.<a href="https://twitter.com/hashtag/AUSvIND?src=hash&ref_src=twsrc%5Etfw">#AUSvIND</a> <a href="https://twitter.com/hashtag/INDvAUS?src=hash&ref_src=twsrc%5Etfw">#INDvAUS</a> <a href="https://t.co/twdqYRNUZ7">pic.twitter.com/twdqYRNUZ7</a></p>
— CricFollow (@CricFollow56) <a href="https://twitter.com/CricFollow56/status/1984951438276227364?ref_src=twsrc%5Etfw">November 2, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>స‌మ‌ష్టి బ్యాటింగ్..</strong><br />ఈ స్టేడియంలో అత్య‌ధిక ఛేజింగ్ 177 కాగా, ఈ మ్యాచ్ లో రికార్డు బ్రేకింగ్ స్కోరుతో బ‌రిలోకి దిగిన భార‌త్ కు బ్యాట‌ర్లంతా త‌లో చేయి వేశారు. ఎప్ప‌టిలాగానే ఆరంభంలో ఓపెన‌ర్ అభిషేక్ శ‌ర్మ (16 బంతుల్లో 25, 2 ఫోర్లు, 2 సిక్స‌ర్లు) ఉన్నంత సేపు షేకాడించాడు. క‌ళ్లు చెదిరే రెండు సిక్స‌ర్ల‌తో ఆక‌ట్టుకున్నాడు. అయితే అత‌ను ఔటైన త‌ర్వాత కెప్టెన్ సూర్య కుమార్ యాద‌వ్ (11 బంతుల్లో 24, 1 ఫోర్, 2 సిక్స‌ర్లు) బాధ్య‌త తీసుకుని దూకుడుగా ఆడాడు. మ‌రోవైపు ఓపెన‌ర్ శుభ‌మాన్ గిల్ (17) మ‌రోసారి విఫ‌ల‌మ‌య్యాడు. ఈ ద‌శ‌లో తెలుగు స్టార్ తిల‌క్ వ‌ర్మ (29) మ‌రో ఉప‌యుక్త ఇన్నింగ్స్ ఆడాడు. అక్ష‌ర్ ప‌టేల్ (17) తో క‌లిసి ఇన్నింగ్స్ ముందుకు న‌డిపించాడు. అయితే అద్భుత‌మైన బౌన్స‌ర్ తో ఎల్లిస్ ప‌టేల్ ను ఔట్ చేశాడు. </p>
<p><strong>వాషింగ్ట‌న్ జోరు..</strong><br />అక్ష‌ర్ స్థానంలో బ్యాటింగ్ కు దిగిన వాషింగ్ట‌న్ ఔట్ ఆఫ్ ద సెల‌బ‌స్ రీతిలో ఆసీస్ పాలిట నిలిచాడు. ఆరంభం నుంచే దూకుడుగా ఆడాడు. ముఖ్యంగా సిక్స‌ర్ తో ఖాతా తెరిచిన వాషి.. ఆ త‌ర్వాత ఆసీస్ బౌల‌ర్లను ఊచకోత కోశాడు. తిల‌క్ కూడా అత‌నికే స్ట్రైక్ ఇవ్వ‌డంతో వాషి రెచ్చిపోయాడు. దీంతో స్కోరు బోర్డు ప‌రుగులెత్తింది. ముఖ్యంగా సీన్ అబాట్ బౌలింగ్ ఒక ఫోర్, రెండు క‌ళ్లు చెదిరే సిక్సర్ కొట్ట‌డంతో 17 ప‌రుగులు వ‌చ్చాయి. ఆ త‌ర్వాత తిల‌క్ ఔటైనా, జితేశ్ శ‌ర్మ (22 నాటౌట్) తో క‌లిసి జ‌ట్టును విజ‌య తీరాల‌కు చేర్చాడు. తాజా విజ‌యంతో ఐదు టీ20ల సిరీస్ ను 1-1తో ఇండియా సమం చేసింది. నాలుగో టీ20 గురువారం (ఈనెల 6న‌) గోల్డ్ కోస్ట్ వేదిక‌గా జ‌రుగుతుంది. </p>
1 month ago
2 
