<p><strong>Sensational Late Surge Seals Memorable Asian Games Campaign For Indian Contingent : </strong>ఆసియా క్రీడలు 2026లో భారత క్రీడాకారులు తమ పోరాటాన్ని అద్భుతమైన రికార్డుతో ముగించారు. శనివారం జరిగిన పురుషుల హాకీ ఫైనల్లో మలేసియాను చిత్తు చేసి సాధించిన స్వర్ణ పతకంతో భారత పతకాల వేట పరిసమాప్తమైంది. టోర్నీ ఆరంభంలో భారత ప్రదర్శన కాస్త నెమ్మదిగా సాగి, 2022 ఎడిషన్ కంటే చాలా తక్కువ పతకాలు వస్తాయేమోనన్న సందేహాలు కలిగినప్పటికీ, క్రీడలు ముగిసే సమయానికి భారత బృందం అనూహ్యంగా పుంజుకుంది. ముఖ్యంగా ఆర్చర్లు, బాక్సర్లు చివరి రోజుల్లో స్వర్ణాల పంట పండించారు. పురుషుల క్రికెట్ జట్టు, పురుషుల హాకీ జట్లు పసిడి పతకాలను అందించాయి. దీంతో ఇండియా మొత్తం 85 పతకాలతో తమ ప్రచారాన్ని ముగించింది. ఇందులో 21 స్వర్ణాలు, 27 రజతాలు, 37 కాంస్య పతకాలు చేరాయి.</p>
<blockquote class="twitter-tweet">
<p dir="ltr" lang="en">India will finish at No.4 in the medal tally at Asian Games 2026. 🇮🇳🏅 <a href="https://t.co/kh5wVpZxrs">pic.twitter.com/kh5wVpZxrs</a></p>
— Mufaddal Vohra (@mufaddal_vohra) <a href="https://x.com/mufaddal_vohra/status/2106352879498154283?ref_src=twsrc%5Etfw">October 3, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>21 స్వర్ణాల పంట.. ఆర్చరీ బాక్సింగ్‌‌లలో తిరుగులేని జోరు</strong><br />భారత్ సాధించిన 21 బంగారు పతకాలలో టీమ్ ఈవెంట్లు, వ్యక్తిగత విభాగాల ఆటగాళ్లు విశేషంగా రాణించారు. క్రికెట్‌లో మహిళల, పురుషుల జట్లు రెండూ స్వర్ణాలు కైవసం చేసుకున్నాయి. కబడ్డీలోనూ పురుషులు, మహిళల జట్లు బంగారు పతకాలను నిలబెట్టుకున్నాయి. హాకీలో మహిళల జట్టు చైనాను, పురుషుల జట్టు మలేసియాను ఓడించి డబుల్ గోల్డ్ సాధించాయి. షూటింగ్‌లో కమల్‌జీత్, సురుచి సింగ్ ద్వయం 10 మీటర్ల ఎయిర్ పిస్టల్ మిక్స్‌డ్ టీమ్‌లో, నీరు ధాండా వ్యక్తిగత ట్రాప్‌లో, కైనాన్ చెనాయ్ తో కలిసి మిక్స్‌డ్ ట్రాప్ విభాగంలో మూడు స్వర్ణాలు సాధించారు. ఆర్చరీలో ఏకంగా ఐదు స్వర్ణాలు నమోదయ్యాయి. తెలుగు ప్లేయ‌ర్లు జ్యోతి సురేఖ వెన్నం, చికీత తనిపర్తి తో పాటు ప్రీతిక ప్రదీప్‌లతో కూడిన మహిళల కాంపౌండ్ జట్టు, మిక్స్‌డ్ కాంపౌండ్ జట్టు, సాహిల్ జాదవ్, గణేష్ మణి రత్నం, కుశాల్ దలాల్‌లతో కూడిన పురుషుల కాంపౌండ్ జట్టు పసిడిని సాధించాయి. అంకిత భకత్, కుంకుమ్ మొహోద్, కీర్తి శర్మల మహిళల రికర్వ్ జట్టుతో పాటు వ్యక్తిగతంగా కుంకుమ్ మొహోద్ స్వర్ణం గెలిచింది. అథ్లెటిక్స్ మహిళల 4x400 మీటర్ల రిలే జట్టు, బాక్సింగ్‌లో లవ్లీనా బోర్గోహైన్, పర్వీన్ హుడా, అంకుష్ పసిడి సాధించారు. రెజ్లింగ్‌లో సుజీత్, అమన్ సెహ్రావత్, గోల్ఫ్‌లో ప్రణవి ఉర్స్ స్వర్ణాలు గెలిచారు.</p>
<blockquote class="twitter-tweet">
<p dir="ltr" lang="en">Undefeated, unmatched, and unstoppable on the road to glory! 🤩<br /><br />The Indian Men’s Hockey Team completes a flawless campaign to seize the GOLD MEDAL at the Asian Games 2026!<br /><br />Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.… <a href="https://t.co/APxoid5y3M">pic.twitter.com/APxoid5y3M</a></p>
— Sony Sports Network (@SonySportsNetwk) <a href="https://x.com/SonySportsNetwk/status/2106384095743824258?ref_src=twsrc%5Etfw">October 3, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>27 రజతాలతో మెరుపులు.. షూటింగ్ అథ్లెటిక్స్‌లో పోరాటం</strong><br />భారత ఖాతాలో 27 రజత పతకాలు వచ్చి చేరాయి. షూటింగ్‌లో ఎలావెనిల్ వలరివాన్, రుద్రాంక్ష్ పాటిల్, హిమాన్షు ధిల్లాన్, ఐశ్వరీ ప్రతాప్ సింగ్ తోమర్, ఇషా సింగ్‌లు టీమ్, వ్యక్తిగత విభాగాల్లో రజతాలు అందించారు. అథ్లెటిక్స్‌లో గుల్వీర్ సింగ్ 10 వేల మీటర్లు, 1500 మీటర్లలో రెండు రజతాలు సాధించగా, సావన్ బెర్వాల్, తజిందర్‌పాల్ సింగ్ తూర్, ఆన్సీ సోజన్, సర్వేష్ కుశారే, మురళీ శ్రీశంకర్, యశ్ వీర్ సింగ్‌లు రజతాలు గెలిచారు. వెయిట్‌లిఫ్టింగ్‌లో మీరాబాయి చాను, రెజ్లింగ్‌లో నితీష్ సివాచ్, అంతిమ్ పంగల్, స్క్వాష్‌లో అభయ్ సింగ్, అనాహత్ సింగ్ లు రజతాలు అందుకున్నారు.</p>
<p><strong>37 కాంస్యాలతో సత్తా.. సమష్టి కృషితో టాప్ ప్రదర్శన</strong><br />భారత్ 37 కాంస్య పతకాలను సొంతం చేసుకుంది. అథ్లెటిక్స్‌లో పారుల్ చౌదరి, మన్‌ప్రీత్ కౌర్, తేజస్విన్ శంకర్, విద్యా రామ్‌రాజ్, పూజా సింగ్ లు కాంస్యాలు సాధించారు. బ్యాడ్మింటన్ పురుషుల జట్టు, టేబుల్ టెన్నిస్ మిక్స్‌డ్ డబుల్స్‌లో దియా చితాలే, మానుష్ షా జోడీ, సెపక్ తక్రా, సెయిలింగ్‌లో నేత్ర కుమారన్, బాక్సింగ్‌లో నరేందర్ బెర్వాల్, ప్రియా గంగస్, కపిల్ పోఖరియాలు కాంస్యాలు గెలిచారు. </p>
3 weeks ago
3 
