<p style="text-align: justify;">అమెరికా అధ్యక్షుడు డోనాల్డ్ ట్రంప్ ఆదేశాల మేరకు వెనిజులా అధ్యక్షుడు నికోలస్ మదురో, ఆయన భార్యను యూఎస్ బలగాలు అరెస్ట్ చేసి తమ దేశానికి తరలించాయి. అమెరికా ఆర్మీ మరో దేశంలోకి ప్రవేశించి అధ్యక్షుడ్ని తీసుకెళ్లిన ఘటనపై ఏఐఎంఐఎం (AIMIM) అధినేత అసదుద్దీన్ ఒవైసీ ఘాటుగా స్పందించారు.</p>
<p style="text-align: justify;"><strong>భారత్ ఆ పని ఎందుకు చేయలేదు..</strong></p>
<p style="text-align: justify;">అమెరికా అధ్యక్షుడు డోనాల్డ్ ట్రంప్ సైన్యం వెనిజులా అధ్యక్షుడు నికోలస్ మదురోను వారి దేశం నుండి అపహరించి అమెరికాకు తీసుకెళ్లిందని తనకు తెలిసిందన్నారు. అమెరికా సైన్యం వెనిజులా అధ్యక్షుడు నికోలస్ మదురోను వారి దేశం నుండి బలవంతంగా తీసుకెళ్లగలిగితే, మీరు (ప్రధాని మోడీ) కూడా పాకిస్తాన్‌కు సైన్యాన్ని పంపి 26/11 ఉగ్రవాద దాడుల సూత్రధారులను భారతదేశానికి తిరిగి తీసుకురావచ్చు అన్నారు. అమెరికా దేశం ఏకంగా మరో దేశం అధ్యక్షుడ్ని బంధించి తీసుకెళ్లినప్పుడు, భారత్ కనీసం పొరుగు దేశం వెళ్లి ఉగ్రవాదులను ఎందుకు తీసుకురాలేకపోయిందని ప్రశ్నించారు.</p>
<p style="text-align: justify;"><strong>వెనిజులాలో భారత పౌరులకు సూచనలు</strong></p>
<p style="text-align: justify;">PTI నివేదిక ప్రకారం, వెనిజులా సంఘటన తర్వాత, భారతదేశం శనివారం రాత్రి వెనిజులాలోని పరిస్థితుల దృష్ట్యా అక్కడికి అనవసర ప్రయాణాలను నివారించాలని తమ పౌరులకు సలహా ఇచ్చింది. వెనిజులా అధ్యక్షుడు నికోలస్ మదురోను అమెరికా అదుపులోకి తీసుకోవడానికి సంబంధించిన పరిణామాలతో విదేశాంగ మంత్రిత్వ శాఖ ఈ అడ్వైజరీ జారీ చేసింది. వెనిజులాలో ఉన్న భారతీయులు అత్యంత జాగ్రత్తగా ఉండాలని, ఈ పరిస్థితుల్లో అనవసరంగా బటయకు రావొద్దని విదేశాంగ మంత్రిత్వ శాఖ కోరింది.</p>
<p style="text-align: justify;">వెనిజులాలో తాజాగా జరిగిన పరిణామాలను దృష్టిలో ఉంచుకుని, భారత పౌరులు అక్కడికి అనవసర ప్రయాణాలను ఖచ్చితంగా నివారించుకోవాలి. ఏ కారణం చేతనైనా వెనిజులాలో ఉన్న భారతీయులు అప్రమత్తంగా ఉండాలని, తమ కార్యకలాపాలను పరిమితం చేసుకోవాలని.. అవసరమైతే కారకాస్‌లోని భారత రాయబార కార్యాలయంతో సంప్రదింపులు జరుపుతూ ఉండాలని" విదేశాంగ మంత్రిత్వ శాఖ ఒక ప్రకటనలో పేర్కొంది.</p>
<blockquote class="twitter-tweet">
<p dir="ltr" lang="en"><a href="https://twitter.com/hashtag/WATCH?src=hash&ref_src=twsrc%5Etfw">#WATCH</a> | Mumbai | AIMIM chief Asaduddin Owaisi said, "Today we heard that US President Donald Trump's forces captured Venezuelan President Nicolas Maduro and took him from his country to America. If US President Donald Trump can abduct Venezuelan President Nicolas Maduro from his… <a href="https://t.co/OTLyZJ4goK">pic.twitter.com/OTLyZJ4goK</a></p>
— ANI (@ANI) <a href="https://twitter.com/ANI/status/2007590295395778667?ref_src=twsrc%5Etfw">January 3, 2026</a>
<script src="https://platform.twitter.com/widgets.js" async="" charset="utf-8"></script>
</blockquote>
<p style="text-align: justify;"><strong>వెనిజులాలో భారతీయుల సంఖ్య</strong></p>
<p style="text-align: justify;">వెనిజులాలో సుమారు 50 మంది ప్రవాస భారతీయులు (NRIలు) మరియు 30 మంది భారతీయ సంతతికి చెందినవారు నివసిస్తున్నారు. అమెరికా దాడి తర్వాత వెనిజులాలో రాజకీయ అనిశ్చితి నెలకొంది. రష్యా, చైనా సహా అనేక ప్రధాన దేశాలు మదురో, ఆయన భార్యను అదుపులోకి తీసుకోవడంపై వాషింగ్టన్‌ను విమర్శించాయి.</p>
<p> </p>
3 months ago
7 
