<p>Police rape Telugu devotee in Arunachalam: అరుణాచలంగా ప్రసిద్ధి చెందిన తమిళనాడులోని తిరువణ్ణామలై సమీపంలో ఆంధ్రప్రదేశ్‌కు చెందిన 18 ఏళ్ల యువతిపై ఇద్దరు పోలీసులు అత్యాచారం చేసిన ఘటన సంచలనంగా మారింది. ఆమెపై అత్యాచారం చేసిన పోలీసులను అదుపులోకి తీసుకుని రహస్య ప్రదేశంలో ఉన్నతాధికారులు ప్రశ్నిస్తున్నారు. </p>
<p>సోమవారం రాత్రి ఆంధ్రప్రదేశ్ నుంచి తిరువణ్ణామలై సమీపంలోని ఎంథాల్ బైపాస్ రోడ్డుపై ఇద్దరు మహిళలు, ముగ్గురు వ్యక్తులు, డ్రైవర్‌తో సహా వాహనంలో వచ్చారు. ఆ సమయంలో బైపాస్ రోడ్డుపై రాత్రి గస్తీ నిర్వహిస్తున్న తిరువణ్ణామలై ఈస్ట్ పోలీస్ స్టేషన్ కానిస్టేబుళ్లు సుందర్, సురేశ్‌రాజ్‌లు వాహనాన్ని అడ్డగించి వాహనంలో ఉన్న వారిని కిందకు దించారు. అందర్నీ దింపి ఎవరెవరు ఎక్కడెక్కడి నుంచి వస్తున్నారో ప్రశ్నించారు. </p>
<p>ఆ సమయంలో యువతి లక్ష్మిపై వారి కన్ను పడింది. ఆమె దగ్గర అనుమానాస్పద వస్తువులు ఉన్నాయని కొట్టి.. ఆమెను సమీపంలోని నిర్మానుష్య ప్రాంతంలోని పొదల్లోకి ఈడ్చుకెళ్లి అత్యాచారం చేశారు. తర్వాత బైపాస్ రోడ్డు పక్కనే వదిలేసి ఇద్దరు పోలీసులు అక్కడి నుంచి పరారయ్యారు. తెల్లవారుజామున 4 గంటలకు అక్కడికి వచ్చిన గ్రామస్థులు లక్ష్మిని రక్షించి 108 అంబులెన్స్ ద్వారా చికిత్స నిమిత్తం తిరువణ్ణామలై ప్రభుత్వ వైద్య కళాశాల ఆసుపత్రికి తరలించారు. </p>
<p>ఈ సమాచారం తెలుసుకున్న తిరువణ్ణామలై జిల్లా పోలీస్ సూపరింటెండెంట్ సుధాకర్, అసిస్టెంట్ సూపరింటెండెంట్ ఆఫ్ పోలీస్ సతీష్ బాధితురాలిని పరామర్శించారు. ఏం జరిగిందో స్వయంగా తెలుసుకున్నారు. ఈ విచారణలో రాత్రి జరిగిన విషయాన్ని బాధితురాలు చెప్పింది. దీంతో జిల్లా పోలీసు సూపరింటెండెంట్ ఘటనా స్థలాన్ని స్వయంగా పరిశీలిచారు. అంతేకాకుండా, తిరువణ్ణామలై మెడికల్ కాలేజీ ఆసుపత్రిలో 5 మంది పోలీసు ఇన్‌స్పెక్టర్లు సహా 10 మందికి పైగా పోలీసు అధికారులను మోహరించారు. రేపిస్టులిద్దరూ పోలీసులే కావడంతో తిరువణ్ణామలై జిల్లాలో తీవ్ర ఉత్కంఠ రేపింది. వారిద్దర్నీ అరెస్టు చేసిన పోలీసులు ..విచారణ జరుపుతున్నారు. </p>
<p>ఇటీవలి కాలంోల అరుణాచలంలో తెలుగు యాత్రికులపై దాడులు పెరుగుతున్నాయి. పెద్ద ఎత్తున భక్తులు అరుణాచలం వెళ్తూండటంతో తెలుగు యాత్రికులపై వ్యతిరేకత చూపిస్తున్నారు. ఇది ద్వేషంగా పెంచుకుని దాడులకు పాల్పడుతున్నారు. ఇప్పుడు స్వయంగా పోలీసులే అత్యాచారనికి పాల్పడటం సంచలనంగా మారింది. </p>
2 months ago
3 
