<p>ప్రముఖ వ్యాపారవేత్త, నిర్మాత లగడపాటి శ్రీధర్ (Lagadapati Sridhar) తనయుడు విక్రమ్ సహిదేవ్ (Vikram Sahidev) హీరోగా నటించిన సినిమా 'అనకాపల్లి'. గాంధీ జయంతి సందర్భంగా శుక్రవారం (అక్టోబర్ 2న) విడుదలవుతోంది. నిజానికి, ఆగస్టు నెలలో సినిమా విడుదల కావాల్సింది. అయితే సామాన్య ప్రేక్షకులు చాలా మందికి సినిమా చూపించి, వాళ్ళందరి సలహాలు తీసుకుని మార్పులు చేశామని, ఇప్పుడు మరింత బెటర్ మూవీని ప్రేక్షకులకు అందిస్తున్నామని లగడపాటి శ్రీధర్ చెప్పారు.</p>
<p><strong>ఇంటర్వెల్, క్లైమాక్స్ సర్‌ప్రైజ్ చేస్తాయి</strong><br />'అనకాపల్లి' గురించి లగడపాటి శ్రీధర్ మాట్లాడుతూ... ''నేను త్రినాథ రావు నక్కిన గారిని ఎప్పుడో నాకు ఓ సినిమా చేసి పెట్టమని అడిగా. ఇప్పుడు మా అబ్బాయితో సినిమా చేసినందుకు ఆయనకు థాంక్స్. నిర్మాత నాయుడు గారి కష్టం, త్రినాథ రావు నక్కిన గారి ప్యాషన్ కోసమైనా ఈ సినిమా పెద్ద విజయం సాధించాలి. సంధ్య క్యారెక్టర్ కొత్తగా ఉంటుంది. తారక్ పొన్నప్ప అందరినీ భయపెట్టేలా నటించాడు. ఈ సినిమాలో ఇంటర్వెల్, క్లైమాక్స్ సర్‌ప్రైజింగ్‌గా ఉంటాయి. పాటలతో పాటు నేపథ్య సంగీతం చక్కగా కుదిరాయి. ప్రేక్షకులు అందరికీ తప్పకుండా నచ్చుతుంది'' అని అన్నారు.</p>
<p>Also Read<strong>: <a title="Don't Trouble The Trouble First Review By Mahesh Babu - ఫహాద్ ఫాజిల్ సినిమాకు మహేష్ బాబు రివ్యూ... 'డోంట్ ట్రబుల్ ద ట్రబుల్' ఎలా ఉందంటే?" href="https://telugu.abplive.com/entertainment/cinema/mahesh-babu-reviews-fahadh-faasil-dont-trouble-the-trouble-movie-260355" target="_self">Don't Trouble The Trouble First Review By Mahesh Babu - ఫహాద్ ఫాజిల్ సినిమాకు మహేష్ బాబు రివ్యూ... 'డోంట్ ట్రబుల్ ద ట్రబుల్' ఎలా ఉందంటే?</a></strong></p>
<p><strong>నిర్మాతల కష్టం తెలిసింది... త్రినాథ రావు</strong><br />'అనకాపల్లి' చిత్రాన్ని కాండ్రేగుల నాయుడు, త్రినాథ రావు నక్కిన నిర్మించారు. రా అండ్ రస్టిక్‌ సినిమాగా తెరకెక్కింది. విక్రమ్ సహిదేవ్ సరసన సంధ్య వశిష్ట నాయికగా నటించిన ఈ సినిమాలో తారక్ పొన్నప్ప విలన్. ఖగేష్ తమ్మినేని దర్శకత్వం వహించారు. త్రినాథ రావు నక్కిన మాట్లాడుతూ... ''నాకు నిర్మాతల కష్టం ఇప్పుడిప్పుడే అర్థం అవుతోంది. సినిమా తీయడం కంటే, ఆ సినిమాను ప్రేక్షకుల ముందుకు తీసుకురావడం మరింత కష్టం. నాకు నిర్మాతగా కంటే దర్శకుడిగా ఉండటమే బెటర్ అనిపిస్తోంది. కానీ ప్రొడక్షన్ అంటే నాకు ప్యాషన్. నిర్మాతగా ఈ ప్రయాణాన్ని ఎంజాయ్ చేశాను. బుకింగ్స్ ఓపెన్ చేసిన అన్ని చోట్లా హౌస్ ఫుల్ అవుతున్నాయి'' అని చెప్పారు.</p>
<p>Also Read<strong>: <a title="Naga Chaitanya Maradalu Samanta Dhulipala Half Saree Photos - లంగా వోణీలో నాగచైతన్య మరదలు... ఈ సమంత కూడా హీరోయిన్ అవుతుందా?" href="https://telugu.abplive.com/photo-gallery/entertainment/cinema-naga-chaitanya-sister-in-law-samanta-dhulipala-half-saree-photos-260357" target="_self">Naga Chaitanya Maradalu Samanta Dhulipala Half Saree Photos - లంగా వోణీలో నాగచైతన్య మరదలు... ఈ సమంత కూడా హీరోయిన్ అవుతుందా?</a></strong></p>
<p>'అనకాపల్లి' సినిమా గురించి త్రినాథ రావు నక్కిన మాట్లాడుతూ... ''ఇందులో ఇంటర్వెల్‌ ట్విస్టును ఎవ్వరూ ఊహించలేరు. క్లైమాక్స్ భావోద్వేగ భరితంగా ఉంటుంది. 'మేం వయసుకు వచ్చాం’ తర్వాత అటువంటి ఫీల్ గుడ్ లవ్ స్టోరీని నేను చేయలేదు. ఇన్నేళ్ల తర్వాత మళ్ళీ ఓ అద్భుతమైన ప్రేమ కథ తట్టింది. అదే 'అనకాపల్లి'. గొప్ప ఫ్యామిలీ డ్రామాతో కూడిన చిత్రమిది. మా హీరో విక్రమ్ సహిదేవ్ ఈ సినిమా కోసం ఎంతో కష్టపడ్డాడు. దీంతో అతనికి మంచి పేరు వస్తుంది'' అని చెప్పారు.<br /><img src="https://feeds.abplive.com/onecms/images/uploaded-images/2026/09/30/5b03398872df0539ff785e4edce7517e1790784281430313_original.jpg" /></p>
<p>మరో నిర్మాత కాండ్రేగుల నాయుడు మాట్లాడుతూ... ''మా సినిమాలో విక్రమ్ సహిదేవ్ చాలా కొత్తగా కనిపిస్తారు. ఆయన చాలా కష్టపడ్డాడు. సంధ్య, త్రినాథరావు, తారక్ పొన్నప్ప, ఇంద్రజ... అందరి క్యారెక్టర్లు బావుంటాయి. అక్టోబర్ 2న థియేటర్లలోకి వస్తున్న సినిమాను చూసి మాకు సపోర్ట్ చేస్తారని ఆశిస్తున్నా'' అన్నారు.</p>
<p>Also Read<strong>: <a title="NTR Speech At Don't Trouble The Trouble Pre Release Event - ఆ రోజు నా వెనుక ఎవరూ లేరు - నా కన్నీరు తుడిచింది వాడే... ఎన్టీఆర్ ఎమోషనల్ రియాక్షన్" href="https://telugu.abplive.com/entertainment/cinema/ntr-reaction-over-about-his-fans-creates-high-mass-with-balayya-dialogue-in-dont-trouble-the-trouble-movie-260289" target="_self">NTR Speech At Don't Trouble The Trouble Pre Release Event - ఆ రోజు నా వెనుక ఎవరూ లేరు - నా కన్నీరు తుడిచింది వాడే... ఎన్టీఆర్ ఎమోషనల్ రియాక్షన్</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/last-five-films-of-allu-arjun-and-their-theatrical-pre-release-business-details-189230" width="631" height="381" scrolling="no"></iframe></p>
1 month ago
2 
