<p><strong>Ammayi garu Serial Today Episode </strong>విరూపాక్షి విజయాంబిక దగ్గరకు వెళ్లి థ్యాంక్స్ చెప్తుంది. ఇప్పటి వరకు సూర్యకి నీ మీద కోపం నీ మీద నమ్మకం చూసేదాన్ని కానీ మొదటి సారి నీ మీద కోపం చూశా.. అది కూడా నీవల్లే.. అయినా రాఘవ కోలుకున్న వరకు నీకు వచ్చిన కష్టమేమీ లేదు అని నవ్వుకుంటూ వెళ్లిపోతుంది. </p>
<p>రూప విజయాంబికతో ఎలా ఉంది అత్త నా ఎత్తుగడ అని అంటుంది. ఇదంతా చేసింది నువ్వే అని నాకు తెలుసు రూప అని దీపక్ అంటే అవును దీపక్.. మా అమ్మానాన్నల్ని విడదీయాలి అంటే ఇలాగే అడ్డుకుంటా దానికి ఏం వాడుకుంటానో ఎలా చేస్తానో నాకే తెలీదు కానీ నన్ను దృష్టిలో పెట్టుకొని జాగ్రత్తగా ఉండు అని వెటకారంగా చూసి వెళ్లిపోతుంది. రాజు విజయాంబిక వాళ్లతో మీ ఇద్దరి మంచి కోసం ఓ విషయం చెప్తా రేపో మాపో రాఘవ లేచి మీ గురించి నిజం చెప్తాడు. అప్పుడు మీ ప్రాణాలు పోతాయి అంత వరకు ఎంజాయ్ చేయండి అని వార్నింగ్ ఇచ్చి వెళ్లిపోతాడు. </p>
<p>కోమలి విజయాంబికతో రాఘవ కోమా నుంచి బయటకు వస్తే మీతో పాటు నేను చచ్చిపోతా అలా జరగకూడదు అంటే రాఘవ కోమా నుంచి బయటకు రాకూడదు అని అంటుంది. హాస్పిటల్‌లో రాఘవ కోమా నుంచి బయటకు వచ్చి కళ్లు తెరుస్తాడు. నర్సు డాక్టర్‌ని పిలవడంతో డాక్టర్ వచ్చి రాఘవని పిలుస్తాడు. నేను పెద్దయ్య గారిని కలవాలి అని రాఘవ అంటాడు. మీరు రెస్ట్ తీసుకోండి నేను పెద్దయ్య గారిని పిలిపిస్తా అంటాడు. వెంటనే డాక్టర్‌ రాజుకి కాల్ చేసి రాఘవని చూసుకునే డాక్టర్ వేరే పని మీద వెళ్తారు నేను ఇప్పుడు రాఘవని చూస్తున్నా రాఘవ కోమా నుంచి బయటకు వచ్చాడు అని చెప్తారు. </p>
<p>రాజు, రూప చాలా సంతోషపడతారు. రాఘవ పెద్దయ్యగారిని కలవాలి అంటున్నారు అంటే మేం వస్తాం అని రాజు, రూప చెప్పి రాఘవ దగ్గరకు బయల్దేరుతారు. దీపక్ రాజు, రూపల మాటలు చాటుగా విని రాఘవ కోమా నుంచి బయటకు వస్తే ఇక మా చావే అని అనుకొని విజయాంబికకు చెప్పాలి అనుకుంటాడు. విజయాంబిక రోజు రోజుకి తన పవర్ తగ్గిపోతుందని కోమలికి చెప్పుకొని రూప అంతు చూడాలి అని అంటుంది. ఇంతలో మందారం వచ్చి మంట తగ్గలేదా.. బర్నాల్ రాయాలా అని వెటకారంగా మాట్లాడుతుంది. ఇంతలో దీపక్ హడావుడిగా వస్తాడు. మందారాన్ని బయటకు పొమ్మని చెప్తాడు. బలవంతంగా గెంటేస్తాడు. రాఘవ గురించి చెప్తాడు. విజయాంబిక, కోమలి బిత్తరపోతారు. నేను ఇంట్లో నుంచి పారిపోతా అని కోమలి అంటుంది. </p>
<p>విజయాంబిక, దీపక్‌తో మీ మామయ్య, విరూపాక్షి ఇద్దరూ అసెంబ్లీకి వెళ్లారు. వాళ్లు వచ్చేలోపు రాఘవని ఏదో ఒకటి చేయాలని అంటుంది. రాజు రూపలు అక్కడే ఉంటారు కదా అని దీపక్ అంటే ఉంటారు కానీ మనం రిస్క్ చేయాలని రాఘవ దగ్గరకు వెళ్తారు. కోమలిని ఎక్కడికీ పారిపోవద్దని చెప్తుంది. రాజు, రూపలు రాఘవని చూపి చాలా సంతోషపడతారు. విజయాంబిక వాళ్లు కూడా వస్తారు. </p>
<p>రాఘవ భయపడుతూ రాజు విజయాంబిక వస్తే నన్ను బతకనివ్వదు ఈలోపే పెద్దయ్యగారికి నిజం చెప్పాలి.. త్వరగా నన్ను పెద్దయ్యగారి దగ్గరకు తీసుకెళ్లు అని అంటాడు. నీకు సెక్యూరిటీ ఉంది.. మేం కూడా ఇక్కడే ఉంటాం నీకేం భయం లేదు అని రాజు అంటాడు. మామయ్యని ఆపాలంటే సూర్యప్రతాప్‌కి యాక్సిడెంట్ చేద్దామని దీపక్ అంటే విజయాంబిక వద్దు అని రాఘవ అంతు చూడాలని అంటుంది. రాజు చంద్రకి కాల్ చేసి సూర్యప్రతాప్‌కి ఫోన్ ఇవ్వమని చెప్తాడు. సూర్యప్రతాప్‌తో మాట్లాడి హాస్పిటల్‌కి రమ్మని చెప్తాడు. సూర్యప్రతాప్‌ క కంగారు పడితే రాఘవ కళ్లు తెరిచాడు మీతో మాట్లాడాలని అంటున్నాడని రాజు చెప్తాడు. సూర్యప్రతాప్‌ సరే అని అంటాడు. </p>
<p>దీపక్, విజయాంబిక చాలా టెన్షన్ పడతారు. ఏం చేయాలా అని అనుకుంటారు. రూప రాజుతో ఈ రోజుతో విజయాంబిక అరాచకాలకు ముగింపు పలుకుతున్నామని అంటుంది. రాజు రూపని అక్కడే ఉండమని తాను వెళ్లి సూర్యప్రతాప్‌ని తీసుకొస్తా అని బయటకు వెళ్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
1 month ago
2 
