<p><strong>Allu Arjun Lininig Up Movies : </strong>ఐకాన్ స్టార్ అల్లు అర్జున్ 'పుష్ప' ఫ్రాంచైజీ తర్వాత పాన్ ఇండియా స్టార్‌గా మారారు. ప్రస్తుతం స్టార్ డైరెక్టర్ అట్లీతో పాన్ వరల్డ్ హాలీవుడ్ రేంజ్ సైన్స్ ఫిక్షన్ మూవీ చేస్తున్నారు. ప్రస్తుతం షూటింగ్ శరవేగంగా సాగుతోంది. ఈ మూవీ తర్వాత బన్నీ చేయబోయే ప్రాజెక్టులపై హైప్ నెలకొంది. భారతీయ సినిమాలో బిగ్గెస్ట్ డైరెక్టర్స్‌తో ఆయన మూవీస్ ప్లాన్ చేస్తున్నట్లు తెలుస్తోంది. వీటిల్లో కొన్ని చర్చల దశలో ఉన్నాయి.</p>
<p><strong>సంజయ్ భన్సాలీతో...</strong></p>
<p>రాబోయే రోజుల్లో బన్నీ బాలీవుడ్ స్టార్ డైరెక్టర్ సంజయ్ లీలా భన్సాలీతో ఓ మూవీ చేయబోతున్నట్లు తెలుస్తోంది. నిజానికి 'పుష్ప: ది రూల్' విడుదలకు ముందే ఓ ఏడాదిగా ఈ ప్రాజెక్ట్ స్క్రిప్ట్ గురించి చర్చలు జరుగుతున్నాయట. త్వరలోనే స్క్రిప్ట్ వర్క్‌పై క్లారిటీ వచ్చి మూవీ ఫైనల్ అయ్యే అవకాశం ఉన్నట్లు తెలుస్తోంది. అయితే, మూవీ ట్రాక్ ఎక్కేందుకు మాత్రం చాలా టైం పట్టే అవకాశాలు ఉన్నట్లు సమాచారం.</p>
<p><strong>ప్రశాంత్ నీల్‌తో...</strong></p>
<p>స్టార్ డైరెక్టర్ ప్రశాంత్ నీల్‌తోనూ అల్లు అర్జున్ ఓ మూవీ చేయబోతున్నారనే వార్తలు వస్తున్నాయి. రీసెంట్‌గానే ఫేమస్ ప్రొడ్యూసర్ దిల్ రాజు... బన్నీ, ప్రశాంత్ నీల్‌కు ఓ మీటింగ్ ఏర్పాటు చేయగా... ఇద్దరూ అఫీషియల్‌గా స్క్రిప్ట్ గురించి చర్చించినట్లు తెలుస్తోంది. అయితే, అది ఫైనల్ అయినట్లు ఎలాంటి అఫీషియల్ అనౌన్స్‌మెంట్ రాలేదు. ప్రస్తుతం ప్రశాంత్ నీల్ ఎన్టీఆర్ మూవీ షూటింగ్‌లో బిజీగా ఉన్నారు. ఆ తర్వాత KGF 3, సలార్ 2 ప్రాజెక్టులు లైనప్‌లో ఉన్నాయి. ఈ క్రమంలో ఈ మూవీకి కూడా చాలా టైం పట్టే సూచనలు కనిపిస్తున్నాయి.</p>
<p><strong>Also Read : <a title="మగాళ్లకు కూడా పీరియడ్స్ వస్తే... - నేషనల్ క్రష్ రష్మిక రియాక్షన్" href="https://telugu.abplive.com/entertainment/cinema/rashmika-mandanna-reaction-on-whether-men-should-also-get-periods-226260" target="_self">మగాళ్లకు కూడా పీరియడ్స్ వస్తే... - నేషనల్ క్రష్ రష్మిక రియాక్షన్</a></strong></p>
<p><strong>'సరైనోడు 2'</strong></p>
<p>అల్లు అర్జున్, మాస్ డైరెక్టర్ బోయపాటి శ్రీను కాంబోలో వచ్చిన 'సరైనోడు' మూవీ బాక్సాఫీస్ వద్ద సంచలన విజయం సాధించిన సంగతి తెలిసిందే. ఈ క్రమంలో 'సరైనోడు 2' సైతం తెరకెక్కించేందుకు ప్లానింగ్ జరుగుతోందట. సరైనోడు 2 తీస్తే తన బ్యానర్‌లోనే తీస్తానంటూ ప్రొడ్యూసర్ అల్లు అరవింద్ రీసెంట్‌గా కామెంట్ చేశారు. ప్రస్తుతం బోయపాటి బాలయ్యతో 'అఖండ 2' పనుల్లో బిజీగా ఉన్నారు. డిసెంబర్ 5న ఈ మూవీ ప్రేక్షకుల ముందుకు రానుంది. ఆ తర్వాత 'సరైనోడు 2' స్క్రిప్ట్‌పై ఫోకస్ చేసే ఛాన్స్ ఉంది. బన్నీ, అల్లు అరవింద్ అనుమతిస్తే త్వరలోనే ఈ ప్రాజెక్ట్ ట్రాక్ ఎక్కే సూచనలు కనిపిస్తున్నాయి.</p>
<p><strong>దర్శక ధీరుడు రాజమౌళితో...</strong></p>
<p>దర్శక ధీరుడు రాజమౌళి ప్రస్తుతం సూపర్ స్టార్ మహేష్ బాబుతో 'SSMB29'లో బిజీగా ఉన్నారు. ఇప్పటికే ప్రీ లుక్ భారీ హైప్ క్రియేట్ చేయగా ఈ నెల 15న ఫస్ట్ లుక్ కోసం యావత్ సినీ ప్రపంచం ఎంతో ఆసక్తిగా ఎదురుచూస్తోంది. 2027లో మూవీ ప్రేక్షకుల ముందుకు రానుంది. ఇక అల్లు అర్జున్, రాజమౌళి కూడా ఓ ప్రాజెక్ట్ కోసం పని చేయడంపై చర్చలు జరుగుతున్నట్లు తెలుస్తోంది. అదే జరిగితే బన్నీ కెరీర్‌లోనే ఇది ఓ బిగ్గెస్ క్రేజీ ప్రాజెక్ట్.</p>
<p><strong>కొరటాల శివతో...</strong></p>
<p>అల్లు అర్జున్, కొరటాల శివ సినిమా ఇదివరకే ప్రకటించినా కొన్ని కారణాలతో అది వాయిదా పడింది. 'పుష్ప 2' రిలీజ్ అయిన వెంటనే ఈ మూవీ స్క్రిప్ట్ బన్నీకి చెప్పినట్లు తెలుస్తోంది. ప్రస్తుతం దీనిపై వర్క్స్ జరుగుతుండగా రాబోయే రోజుల్లో మరిన్ని చర్చలు జరగనున్నాయి. అట్లీ, బన్నీ ప్రాజెక్టు తర్వాత ఇండస్ట్రీ టాప్ డైరెక్టర్లతో బన్నీ మూవీస్ ప్లాన్ చేస్తున్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/gaddar-awards-2024-winners-list-know-best-film-actor-actress-full-details-208763" width="631" height="381" scrolling="no"></iframe></p>
1 month ago
2 
