<p>ఆదిలాబాద్ పట్టణం, పరిసర ప్రాంతాల్లో టూవీలర్స్ చోరీలకు పాల్పడుతూ, ఆ వాహనాలను విడిభాగాలుగా మార్చి విక్రయిస్తున్న ముఠాను ఆదిలాబాద్ జిల్లా పోలీసులు అరెస్ట్ చేశారు. ఆదిలాబాద్ జిల్లా ఎస్పీ అఖిల్ మహాజన్ ఆదేశాల మేరకు ఆదిలాబాద్ SDPO ఎల్. జీవన్ రెడ్డి ఆధ్వర్యంలో ఆదిలాబాద్ వన్‌టౌన్ పోలీస్ స్టేషన్ ఇన్‌స్పెక్టర్ బి. సునీల్ కుమార్, CCS ఇన్‌స్పెక్టర్ చంద్రశేఖర్, ఆదిలాబాద్ వన్‌టౌన్ ఎస్‌ఐ ఎన్. నాగనాథ్, సిబ్బందితో ప్రత్యేక బృందాన్ని ఏర్పాటు చేసి దర్యాప్తు చేపట్టారు. ఈ క్రమంలో శనివారం ఆగస్టు 15న మధ్యాహ్నం 12 గంటలకు ఆదిలాబాద్ పట్టణంలోని కిల్లా తిర్పెల్లి ప్రాంతంలో నిందితులు, రిసీవర్లను అదుపులోకి తీసుకుని, వారి వద్ద నుంచి భారీగా చోరీ వాహనాలు, ఇంజిన్లు, ఇతర విడిభాగాలను స్వాధీనం చేసుకున్నారు.</p>
<p>అరెస్టయిన నిందితుల వివరాలను పోలీసులు వెల్లడించారు </p>
<p>A-1: మహమ్మద్ జుబేర్, వయస్సు 27 సంవత్సరాలు, కిల్లా తిర్పెల్లి, ఆదిలాబాద్.<br />A-2: సయ్యద్ ఖలీమ్, వయస్సు 26 సంవత్సరాలు, కిల్లా తిర్పెల్లి, ఆదిలాబాద్.<br />A-3: సర్దార్-బిన్-మహమ్మద్, వయస్సు 40 సంవత్సరాలు, కిల్లా, ఆదిలాబాద్.<br />A-4: మహమ్మద్ మన్నాన్, వయస్సు 32 సంవత్సరాలు, రామ్‌నగర్, ఆదిలాబాద్.<br />A-5: షెబాజ్ అలీ, వయస్సు 42 సంవత్సరాలు, KRK కాలనీ, ఆదిలాబాద్.</p>
<p><br /><img src="https://feeds.abplive.com/onecms/images/uploaded-images/2026/08/15/4ad4667f5c5a4da7b7386b18d8a930061786800856903233_original.jpeg" /></p>
<p><strong> రిసీవర్లు: </strong></p>
<p>A-6: చిట్యాల సంజీవ్, వయస్సు 39 సంవత్సరాలు, భుక్తాపూర్, ఆదిలాబాద్.<br />A-7: మహ్మద్ గౌస్, వయస్సు 36 సంవత్సరాలు, రవీంద్రనగర్, ఆదిలాబాద్.<br />A-8: షేక్ ఇర్ఫాన్, వయస్సు 28 సంవత్సరాలు, ఖానాపూర్, ఆదిలాబాద్.<br />A-9: షేక్ షోయల్, వయస్సు 24 సంవత్సరాలు, తాంసి మండలం వడ్డాడి గ్రామం.<br />A-10: షేక్ లతీఫ్, వయస్సు 36 సంవత్సరాలు, ఇందిరమ్మ కాలనీ, ఆదిలాబాద్.</p>
<p> స్వాధీనం చేసుకున్న టూవీలర్స్ – 06 <br />ఈ వాహనం ప్రమాదానికి గురైన వాహనం కాగా, నిందితులు ఇంజిన్, చాసిస్ నంబర్లతో పాటు రిజిస్ట్రేషన్ నంబర్‌ను మార్చి TS-01-EP-3882 నంబర్‌ను ఉపయోగించినట్లు పోలీసులు గుర్తించారు.</p>
<p><br /><img src="https://feeds.abplive.com/onecms/images/uploaded-images/2026/08/15/eb64d712700528c4d9e491756264334a1786800892795233_original.jpeg" /></p>
<p>పోలీసులు స్వాధీనం చేసుకున్న ఇతర వస్తువులు</p>
<p>- 21 ఇంజిన్లు, అందులో 08 సమగ్ర స్థితిలో ఉన్న ఇంజిన్లు<br />- 01 చాసిస్<br />- 10 నంబర్ ప్లేట్లు<br />- బైక్ టైర్లు లేని రిమ్స్ – 25<br />- స్కూటీ రిమ్స్ – 11<br />- బైక్ టైర్లతో ఉన్న రిమ్స్ – 41<br />- స్కూటీ టైర్లతో ఉన్న రిమ్స్ – 44<br />- సైలెన్సర్లు – 25<br />- బ్యాటరీలు – 20<br />- పెట్రోల్ ట్యాంకులు – 30<br />- టైర్లు లేని బైక్ మ్యాక్ వీల్స్ – 06<br />- కట్టర్ మెషీన్ – 01, కట్టర్ బ్లేడ్లు<br />- సుత్తులు – 02<br />- ఇంజిన్, చాసిస్ నంబర్లు తయారు చేసేందుకు ఉపయోగించే ఆల్ఫాబైట్ పంచ్‌లు (A-Z, &), నంబర్ పంచ్‌లు (0-9, 6 మినహా).</p>
<p><br /><img src="https://feeds.abplive.com/onecms/images/uploaded-images/2026/08/15/860042d43a623fe2166dccdcb3f0f9091786800919491233_original.jpeg" /></p>
<p>నిందితులు ఆదిలాబాద్ పట్టణం, పరిసర ప్రాంతాల్లో ద్విచక్ర వాహనాలను చోరీ చేసి, వాటి ఇంజిన్, చాసిస్ నంబర్లను మార్చడంతో పాటు నంబర్ ప్లేట్లను మార్చి వినియోగించడం, మరికొన్ని వాహనాలను విడిభాగాలుగా మార్చి విక్రయిస్తున్నారని పోలీసులు ప్రాథమిక దర్యాప్తులో గుర్తించారు. ఈ కేసులో మరింత లోతైన దర్యాప్తు కొనసాగుతోందని, చోరీ చేసిన వాహనాలను కొనుగోలు చేసే రిసీవర్లపై కూడా కఠిన చర్యలు తీసుకుంటామని ఆదిలాబాద్ జిల్లా ఎస్పీ అఖిల్ మహాజన్ తెలిపారు.</p>
<p>టూవీలర్స్ యజమానులు తమ వాహనాలను సురక్షిత ప్రదేశాల్లో పార్క్ చేసి, అవసరమైన భద్రతా చర్యలు పాటించాలని ఎస్పీ సూచించారు. ఈ కార్యక్రమంలో ఆదిలాబాద్ డిఎస్పీ ఎల్ జీవన్ రెడ్డి, వన్ టౌన్ ఇన్స్పెక్టర్ బి సునీల్ కుమార్, సిసిఎస్ ఇన్స్పెక్టర్ చంద్రశేఖర్, రిజర్వ్ ఇన్స్పెక్టర్ గోపికృష్ణతో పాటు సిసిఎస్ సిబ్బంది, వన్ టౌన్ సిబ్బంది తదితరులు పాల్గొన్నారు.</p>
2 months ago
3 
