<p>బుడ్డోడు సూర్యవంశీనే తట్టుకోలేక పోతుంటే మరో బుజ్డోడు కూడా వస్తున్నాడు. పట్టుమని 15 ఏళ్లు లేని వైభవ్‌ సూర్యవంశీ బ్యాటింగ్‌తో మోతెక్కిస్తుంటే.. ఇప్పుడు పదేళ్లు కూడా లేని అతని తమ్ముడు సెంచరీ బాదేశాడు. </p>
<p>భారత క్రికెట్‌లో కొన్ని రోజులుగా మారుమోగిపోతున్న పేరు.. వైభవ్ సూర్యవంశీ.. స్కులుకెళ్లే వయసులోనే ప్రపంచంలోనే మేటి బౌలర్లను చితక్కొట్టేస్తూ.. రికార్డుల మీద రికార్డులు సృష్టిస్తున్నాడు. ప్రపంచ క్రికెట్ ట్యాలెంట్ అంతా ఒకచోట ఉండే IPLలో ఆరంజ్‌ క్యాప్ సాధించాడు. అలాంటి చిచ్చర పిడుగునే తట్టుకోలేకపోతున్నారంటే.. ఇప్పుడు మరో సిసింద్రీ కూడా వచ్చాడు. అది కూడా అదే ఫ్యామిలీ నుంచి..! వైభవ్ తమ్ముడు ఆశీర్వాద్ సూర్యవంశీ ఇప్పుడు నయా సంచలనం. 15 ఏళ్ల వయసుకు వైభవ బౌలర్లకు చుక్కలు చూపిస్తుంటే .. అతని తమ్ముడు ఆశీర్వాద్ పదేళ్ల వయసుకే సెంచరీ బాదేశాడు. లోకల్‌ లీగ్‌లో Vaibhav Sooryavanshi తమ్ముడు Aashirwad Sooryavanmsi సెంచరీ కొట్టేశాడు. </p>
<p><br /><img src="https://feeds.abplive.com/onecms/images/uploaded-images/2026/06/14/b7ed2d2152347aed0ec06d5edea58d6c1781454009682233_original.jpeg" /></p>
<p><strong>మరో సూర్యవంశీ వచ్చాడు.. </strong></p>
<p>తన విధ్వంసక బ్యాటింగ్‌తో ప్రపంచ క్రికెట్ దృష్టిని ఆకర్షించిన యువ సంచలనం వైభవ్ సూర్యవంశీ తర్వాత ఇప్పుడు అతని తమ్ముడు ఆశీర్వాద్ సూర్యవంశీ పేరు మార్మోగుతోంది. కేవలం 10 ఏళ్ల వయసులోనే ఆశీర్వాద్ సెంచరీ బాదడంతో క్రికెట్ వర్గాల్లో అతడిపై చర్చ మొదలైంది. బిహార్‌లోని సమస్తిపూర్‌లో జరిగిన ఓ ప్రాక్టీస్ మ్యాచ్‌లో క్రికెట్ అకాడమీ తాజ్‌పూర్ తరఫున ఆడిన ఆశీర్వాద్ 87 బంతుల్లో 103 పరుగులు చేశాడు. అతని ఇన్నింగ్స్‌లో 20 ఫోర్లు, ఒక భారీ సిక్సర్ ఉన్నాయి.</p>
<p><br /><img src="https://feeds.abplive.com/onecms/images/uploaded-images/2026/06/14/5f8e0e12ad8582fcdc74ea4b257fec241781454550103233_original.jpeg" /></p>
<p>చిన్న వయసులోనే దూకుడైన షాట్లు, ఆత్మవిశ్వాసంతో కూడిన బ్యాటింగ్ చూసిన వారు వైభవ్‌ను గుర్తు చేసుకుంటున్నారు. ఆశీర్వాద్ అద్భుత ఇన్నింగ్స్‌తో అతని జట్టు 234/4 భారీ స్కోరు చేసింది. సెంచరీ పూర్తయ్యాక హెల్మెట్ తీసి సెలబ్రేట్ చేసిన తీరు అక్కడి ప్రేక్షకులను ఆకట్టుకుంది. ఈ ప్రదర్శనతో అతడు స్థానిక క్రికెట్‌లో ఒక్కసారిగా హాట్ టాపిక్‌గా మారిపోయాడు.</p>
<p>తమ్ముడి అద్భుతమైన స్కోర్‌కార్డ్ స్క్రీన్‌షాట్‌ను వైభవ్ సూర్యవంశీ తన ఇన్‌స్టాగ్రామ్ స్టోరీలో షేర్ చేస్తూ, "తమ్ముడూ.. అభినందనలు!" అంటూ మురిసిపోయాడు.</p>
<p><br /><img src="https://feeds.abplive.com/onecms/images/uploaded-images/2026/06/14/72606d5531e03881e2db8a4b141b52301781454570516233_original.jpeg" /></p>
<p><strong>టీమిండియాలో వైభవ్ జోరు..!</strong></p>
<p>ఒకవైపు 10 ఏళ్ల తమ్ముడు ఇప్పుడిప్పుడే బ్యాట్ పట్టి అదరగొడుతుంటే, 15 ఏళ్ల వైభవ్ సూర్యవంశీ ఇప్పటికే అంతర్జాతీయ క్రికెట్‌ లోకి అడుగుపెట్టేశాడు. ఈ నెలాఖరుకు అతను తన మొదటి ఇంటర్నేషనల్ మ్యాచ్ ఆడబోతున్నాడు. భారత్ తరఫున అంతర్జాతీయ క్రికెట్ ఆడిన అత్యంత పిన్న వయస్కుడిగా సచిన్ టెండూల్కర్ పేరిట ఉన్న రికార్డును బద్దలు కొట్టేందుకు వైభవ్ సిద్ధంగా ఉన్నాడు. ఇప్పటికే ఐపీఎల్‌లో ఇండియా తరపున రెండు ఫాస్టెస్ట్ సెంచరీలు బాదిన రికార్డు వైభవ్ పేరిట ఉంది.</p>
4 months ago
5 
