<p><strong>2026 Kia Seltos Variants Explained:</strong> కియా కొత్త తరం సెల్టోస్‌ మరికొన్ని రోజుల్లో, జనవరి 2న లాంచ్‌ కానుంది. ధరలను జనవరి 2నే ప్రకటించనున్నారు. బుకింగ్స్‌ మాత్రం ఇప్పటికే ప్రారంభమయ్యాయి. ఈ "సెకండ్‌ జనరేషన్‌ సెల్టోస్‌" K3 ప్లాట్‌ఫారమ్‌పై తయారైంది. ఈసారి డిజైన్‌, టెక్నాలజీ, ఇంజిన్‌ ఆప్షన్లు అన్నీ పూర్తిగా అప్‌డేట్‌ అయ్యాయి. కొత్త డిజైన్‌ డిటైలింగ్స్‌, మరింత పవర్‌ఫుల్‌ ఇంజిన్‌ ఆప్షన్లతో ఈ కొత్త మోడల్‌ తెలుగు రాష్ట్రాల SUV కొనుగోలుదారుల్లో ఆసక్తిని రేకెత్తిస్తోంది.</p>
<p><strong>కొత్త డిజైన్‌ & డైమెన్షన్స్‌</strong><br />కొత్త సెల్టోస్‌ పొడవు 4,460 mm, వెడల్పు 1,830 mm, వీల్‌బేస్‌ 2,690 mm. ముందుభాగంలో వైడ్‌ గ్రిల్‌, ఇన్వర్టెడ్‌ L షేప్‌ LED టెయిల్‌ల్యాంప్స్‌, కొత్త హెడ్‌ల్యాంప్‌ డిజైన్‌ అందాన్ని మరింత పెంచాయి. హైయ్యర్‌ వేరియంట్స్‌లో 18-ఇంచుల అల్లాయ్‌ వీల్స్‌ ఉన్నాయి. సైడ్‌ ప్రొఫైల్‌లో షార్ప్‌ లైన్స్‌, ఫ్లష్‌-ఫిట్టింగ్‌ డోర్‌ హ్యాండిల్స్‌ SUVకి మరింత ప్రీమియం లుక్‌ ఇస్తాయి. వెనుక భాగంలో నెంబర్‌ ప్లేట్‌ను బంపర్‌కు మార్చడం వల్ల డిజైన్‌ మరింత క్లీన్‌గా కనిపిస్తోంది.</p>
<p><strong>ఇంజిన్‌ ఆప్షన్లు</strong></p>
<p>మన మార్కెట్‌లో 3 ఇంజిన్‌ ఎంపికలు అందుబాటులో ఉంటాయి:</p>
<p>1.5L పెట్రోల్‌ – 113.4 bhp, 144 Nm</p>
<p>1.5L టర్బో పెట్రోల్‌ – 157.8 bhp, 253 Nm</p>
<p>1.5L డీజిల్‌ – 114.4 bhp, 250 Nm</p>
<p>ట్రాన్స్‌మిషన్‌ ఎంపికల్లో 6-స్పీడ్‌ మ్యాన్యువల్‌, 6-స్పీడ్‌ iMT, IVT, 7-స్పీడ్‌ DCT, 6-స్పీడ్‌ ఆటోమేటిక్‌ ఉన్నాయి. నగరాల్లో డ్రైవింగ్‌, హైవే క్రూజింగ్‌, తెలుగు రాష్ట్రాల రోడ్లలోని విభిన్న పరిస్థితులకు ఇవి పూర్తిగా సరిపోతాయి.</p>
<p><strong>వేరియంట్లు</strong></p>
<p>2026 సెల్టోస్‌ మొత్తం ఎనిమిది వేరియంట్స్‌లో లభిస్తుంది అవి: HTE, HTE(O), HTK, HTK(O), HTX, HTX(A), GTX, GTX(A). GTX వేరియంట్స్‌ కోసం ప్రత్యేక X-Line స్టైలింగ్‌ ప్యాక్‌ కూడా అందుబాటులో ఉంటుంది.</p>
<p><strong>వేరియంట్‌ వారీగా ఫీచర్లు:</strong></p>
<p>HTE</p>
<p>ఇది బేస్‌ వెరియంట్‌. దీనిలో LED హెడ్‌ల్యాంప్స్‌, 10.25-ఇంచ్‌ టచ్‌స్క్రీన్‌, 6 స్పీకర్స్‌, క్రూయిజ్‌ కంట్రోల్‌, పవర్‌ విండోలు, స్మార్ట్‌ ఇంటీరియర్‌ లేఅవుట్‌ వంటి మంచి ఫీచర్లు ఉన్నాయి.</p>
<p>HTE(O)</p>
<p>HTEలో ఉన్న ఫీచర్లతో పాటు స్టైల్‌ స్టీల్‌ వీల్స్‌, కనెక్టెడ్‌ LED టెయిల్‌ల్యాంప్స్‌, సెమీ లెదరెట్‌ సీట్స్‌, 60:40 స్ప్లిట్‌ రియర్‌ సీట్స్‌ వంటి అప్‌గ్రేడ్స్‌ వస్తాయి.</p>
<p>HTK</p>
<p>HTE(O)లో ఉన్న ఫీచర్లతో పాటు 17-ఇంచ్‌ క్రిస్టల్‌ కట్‌ అల్లాయ్స్‌, స్మార్ట్‌ కీ, పుష్‌ స్టార్ట్‌, రియర్‌ సన్‌షేడ్స్‌, టిల్ట్‌ & టెలిస్కోపిక్‌ స్టీరింగ్‌ వంటి ఫీచర్లు వచ్చి కలుస్తాయి.</p>
<p>HTK(O)</p>
<p>HTKలో ఉన్న ఫీచర్లతో పాటు డ్యూయల్‌ పేన్‌ పానోరమిక్‌ సన్‌రూఫ్‌, వైర్‌లెస్‌ ఛార్జర్‌, స్పోర్టీ అల్యూమినియం పెడల్స్‌, ఫ్రంట్‌ పార్కింగ్‌ సెన్సర్లు వంటి ప్రీమియమ్‌ ఫీచర్లు ఉంటాయి.</p>
<p>HTX</p>
<p>HTK(O)లో ఉన్న ఫీచర్లతో పాటు LED ఫాగ్‌ల్యాంప్స్‌, నీయాన్‌ యాక్సెంట్స్‌తో ఇంటీరియర్‌, 12.3-ఇంచ్‌ స్క్రీన్‌, బోస్‌ ఆడియో సిస్టమ్‌, వెంటిలేటెడ్‌ సీట్స్‌, Kia Connect 2.0 టెక్‌ వంటి హై-ఎండ్‌ ఫీచర్లు అందుతాయి.</p>
<p>HTX(A)</p>
<p>HTXలో ఉన్న ఫీచర్లతో పాటు ADAS లెవల్‌ 2, పెద్ద 12.3-ఇంచ్‌ ఇన్‌స్ట్రుమెంట్‌ క్లస్టర్‌, సైడ్‌ పార్కింగ్‌ సెన్సర్లు వంటి అదనపు ఆధునిక ఫీచర్లు ఉంటాయి.</p>
<p>GTX & GTX(A)</p>
<p>అత్యంత ప్రీమియమ్‌ వెరియంట్స్‌ ఇవే. పైన చెప్పిన అన్ని ఫీచర్లతో పాటు 18-ఇంచుల స్పోర్టీ అల్లాయ్స్‌, డార్క్‌ గన్‌మెటల్‌ గ్రిల్‌, GT లైన్‌ బాడీ కిట్‌, 10-వే పవర్‌ డ్రైవర్‌ సీట్‌, మెమరీ ఫంక్షన్‌, నీయాన్‌ బ్రేక్‌ కేలిపర్స్‌ వంటి అత్యున్నత ఫీచర్లు అందిస్తాయి.</p>
<p>X-Line Pack</p>
<p>GTX/ GTX (A) కోసమే ఈ ప్యాక్‌ అందుబాటులో ఉంటుంది. దీనిలో మ్యాట్‌ గ్రాఫైట్‌, హంటర్‌ గ్రీన్‌ ఇంటీరియర్‌, బ్లాక్‌ అల్లాయ్స్‌ వంటి ప్రత్యేక స్టైలింగ్‌ అంశాలున్నాయి.</p>
<p><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></p>
4 months ago
10 
