<p style="text-align: justify;">జియో ప్లాట్‌ఫామ్స్‌కు చెందిన IPO సరికొత్త రికార్డులు నమోదు చేసింది. 3 రోజుల సబ్‌స్క్రిప్షన్ సమయంలో యాంకర్ ఇన్వెస్టర్ల డిమాండ్‌‌తో కలిపి సుమారు రూ.7.40 లక్షల కోట్ల విలువైన బిడ్లను ఆకర్షించింది. రూ.30,213 కోట్ల ఇష్యూతో మార్కెట్లోకి వచ్చిన ఈ ఐపీఓ ఏకంగా 1.38 కోట్లకు పైగా దరఖాస్తులను అందుకుంది. మొత్తం సబ్‌స్క్రిప్షన్ 22.19 రెట్లు నమోదై భారత మార్కెట్ చరిత్రలో సరికొత్త అధ్యాయాన్ని లిఖించింది. </p>
<p style="text-align: justify;">ముఖ్యంగా అక్టోబర్ 21న బిడ్డింగ్ ప్రారంభమైన తొలి 100 నిమిషాల్లోనే IPO పూర్తి సబ్‌స్క్రిప్షన్ మార్కు దాటింది. సంస్థాగత ఇన్వెస్టర్లు, రిటైల్ దరఖాస్తుదారులు, ఇతర ఇన్వెస్టర్ల నుంచి వచ్చిన డిమాండ్ అధిక రెట్లు సబ్‌స్క్రిప్షన్ అయ్యేలా చేసింది. ఇప్పుడు బిడ్డింగ్ పూర్తి కావడంతో, అందరి దృష్టి షేర్ల కేటాయింపు, కంపెనీ ప్రతిపాదిత స్టాక్ మార్కెట్ అరంగేట్రంపై పడింది.<br /><br /></p>
<p style="text-align: justify;"><img src="https://feeds.abplive.com/onecms/images/uploaded-images/2026/10/23/02d1d738bf8c8d7f3d0a115d6c0a9a4b1792773663023401_original.jpg" width="100%" /></p>
<p style="text-align: justify;"><strong>1.38 కోట్లకు పైగా దరఖాస్తులు అందుకున్న Jio IPO</strong></p>
<p style="text-align: justify;">Jio Platforms IPO 1.38 కోట్లకు పైగా దరఖాస్తులతో కోటి మార్కును దాటిన ప్రపంచంలో తొలి IPOగా నిలిచింది. దరఖాస్తుల సంఖ్య గత గ్లోబల్ బెంచ్‌మార్క్‌ను సుమారు 42 శాతం అధిగమించింది. ఇన్వెస్టర్ వర్గాలన్ని పాల్గొనడం ఈ ఐపీఓకు ఉన్న క్రేజ్ తెలుపుతుంది. వ్యక్తిగత ఇన్వెస్టర్లు, సంస్థాగత ఇన్వెస్టర్లు పోటీ పడటం భారత మార్కెట్ చరిత్రలో ఎక్కువ మంది ఆసక్తి చూపిన ఐపీఓగా నిలిపింది. </p>
<p style="text-align: justify;"><img src="https://feeds.abplive.com/onecms/images/uploaded-images/2026/10/23/0333a072774e20ce724a7a85d53f622c1792773746549401_original.jpeg" width="100%" /></p>
<p style="text-align: justify;"><strong>భారత్‌లో అతిపెద్ద IPO</strong></p>
<p style="text-align: justify;">₹30,213 కోట్ల ఇష్యూ సమీకరణ లక్ష్యంగా వచ్చి Jio Platforms భారత్‌లో అతిపెద్ద IPOగా రికార్డు నెలకొల్పింది. ఈ ఆఫరింగ్ పూర్తిగా కొత్త షేర్ల ఇష్యూ చేస్తున్నారు. ప్రస్తుత షేర్‌హోల్డర్లు తమ హోల్డింగ్స్‌ను ఐపీఓ ద్వారా విక్రయించలేదు. అక్టోబర్ 21న బిడ్డింగ్ ప్రారంభం కాగా, మొదటి రోజు ముగిసే సమయానికి సబ్‌స్క్రిప్షన్ 3.16 రెట్లు చేసుకున్నారు. రెండో రోజు అది 5.57 రెట్లకు పెరిగింది. చివరి రోజున డిమాండ్ మరింత పెరగడంతో మొత్తం సబ్‌స్క్రిప్షన్ ఏకంగా 22.19 రెట్లకు చేరింది.</p>
<p style="text-align: justify;"><strong>సంస్థాగత ఇన్వెస్టర్ల నుంచి భారీ డిమాండ్‌ </strong></p>
<p style="text-align: justify;">క్వాలిఫైడ్ ఇన్‌స్టిట్యూషనల్ బయ్యర్లు (QIBs) సుమారు రూ.3.87 లక్షల కోట్ల విలువైన బిడ్లు వేయగా.. ఈ వర్గం 70.55 రెట్లు సబ్‌స్క్రైబ్ చేసుకుంది. నాన్-ఇన్‌స్టిట్యూషనల్ ఇన్వెస్టర్ (NII) 14 రెట్ల సబ్‌స్క్రిప్షన్‌ను నమోదు చేసింది.</p>
<p style="text-align: justify;">నాన్-యాంకర్ ఇన్వెస్టర్లు సుమారు రూ0.4.90 లక్షల కోట్ల విలువైన బిడ్లు సమర్పించగా, యాంకర్ ఇన్వెస్టర్ల నుంచి సుమారు రూ.2.50 లక్షల కోట్ల డిమాండ్‌ వచ్చింది. మొత్తం బిడ్లు సుమారు రూ.7.40 లక్షల కోట్లకు చేరాయి. అయితే, ఈ బిడ్ల మొత్తం విలువ కంపెనీకి IPO ద్వారా చివరికి లభించే ఆదాయంతో భిన్నంగా ఉంటుంది.</p>
<p style="text-align: justify;"><strong>రిటైల్ ఇన్వెస్టర్లు, అర్హత కలిగిన షేర్‌హోల్డర్లు </strong></p>
<p style="text-align: justify;">రిటైల్ వర్గంలో సుమారు 8.5 కోట్ల షేర్లు అందుబాటులో ఉండగా, 23 కోట్లకు పైగా షేర్ల కోసం బిడ్లు దాఖలయ్యాయి. దాని ఫలితంగా 2.72 రెట్లు సబ్‌స్క్రిప్షన్ నమోదైంది. అర్హత కలిగిన Reliance షేర్‌హోల్డర్ల కోసం షేర్‌హోల్డర్ విభాగంలో 7.60 రెట్లు సబ్‌స్క్రైబ్ కాగా, ఉద్యోగుల నుంచి 2.93 రెట్లు సబ్‌స్క్రిప్షన్‌ చేసుకున్నారు. </p>
<p style="text-align: justify;">ఈ లెక్కలు, ఈ ఆఫరింగ్‌ కేవలం సంస్థాగత ఇన్వెస్టర్లకే పరిమితం కాకుండా వ్యక్తిగత ఇన్వెస్టర్లు, అర్హత కలిగిన షేర్‌హోల్డర్లు, ఉద్యోగులను ఆకర్షించిందని చెప్పవచ్చు. </p>
<p style="text-align: justify;"><br /><img src="https://feeds.abplive.com/onecms/images/uploaded-images/2026/10/23/e8b65fa06a5f4f3bfafe9222da134bd21792773028412401_original.jpeg" width="100%" /></p>
<p style="text-align: justify;"><strong>అక్టోబర్ 26న కేటాయింపు, అక్టోబర్ 28న లిస్టింగ్ </strong></p>
<p style="text-align: justify;">అక్టోబర్ 23న ఐపీఓ బిడ్డింగ్ ముగియగా.. తదుపరి దశలు షేర్ కేటాయింపు, ప్రతిపాదిత స్టాక్ మార్కెట్ లిస్టింగ్ చేయడం ఉంటాయి. అక్టోబర్ 26న షేర్లు కేటాయిస్తారు. ఆపై Jio Platforms షేర్లు అక్టోబర్ 28న లిస్ట్ అవుతాయి. ఇన్వెస్టర్లు ఇప్పుడు షేర్ల కేటాయింపుపై ఆసక్తిగా ఎదురుచూస్తున్నారు. ఈ లిస్టింగ్, పరిమాణం, దరఖాస్తుల సంఖ్య, ఇన్వెస్టర్ డిమాండ్‌ను ఎంతలా ఆకర్షించాయో సూచిస్తున్నాయి. </p>
1 week ago
2 
